ނ. މަނަދޫ އޮފީސްތަކަށް އަމާޒުކޮށްގެން ރަށު ކައުންސިލުން އިންތިޒާމް ކުރާ ފުޓްސަލް މުބާރާތުގެ ދެ ޑިވިޝަންގެ ފައިނަލް ރޭގައި ކޫލެފިއެވެ. މި މުބާރާތުގެ އަންހެން ޑިވިޝަންގެ ފައިނަލުގައި ކުޅެފައިވަނީ ނޫނު އަތޮޅު ސްކޫލާއި ނޫނު އަތޮޅު ކައުންސިލެވެ. މި މެޗު 2-3 އިން ޚާމިޔާބުކޮށް އަންހެޑް ޑިވިޝަންގެ ތަށި އުފުލާލާފައިވަނީ އަތޮޅު ކައުންސިލުންނެވެ. އަދި ފިރިހެން ޑިވިޝަންގެ ފައިނަލުގައި ވާދަކޮށްފައިވަނީ މަނަދޫ ކައުންސިލާއި ބީ.އެމް.އެލް އެވެ. މި މެޗު 2-0 އިން ކާމިޔާބުކޮށް މުބާރާތުގެ ތަށި އުފުލާލާފައިވަނީ މަނަދޫ ކައުންސިލުގެ ޓީމެވެ.

މި މުބާރާތުގެ އަންހެން ޑިވިޝަންގެ ކުއީން އޮފް ދަ ޓޯނަމެންޓް އަކަށް ހޮވިފައިވަނީ ނޫނު އަތޮޅު ސްކޫލްގެ އިމާޒާ ހަމްޒާއެވެ. އަދި ފިރިހެން ޑިވިޝަންގެ ކިންގް އޮފް ދަ ޓޯނަމެންޓް އަކަށް ހޮވިފައިވަނީ މަނަދޫ ކައުންސިލުގެ ހުސައިން ނާއިފް އެވެ.

މި މަހުގެ 5 ން ފެށިގެން ކުރިޔަށްގެންދިޔަ މި މުބާރާތުގައި އަންހެން އަދި ފިރިހެން ޑިވިޝަންގައި ޖުމްލަ 13 ޓީމަކުން ވާދަކޮށްފައިވެއެވެ. އެއީ ފިރިހެން ޑިވިޝަންގައި 7 ޓީމަކާއި އަންހެން ޑިވިޝަންގެ 6 ޓީމެކެވެ.