ވޯޓަރ ބަންކަރިންގ ޚިދުމަތަށް އެމްޕީއެލް އިން ހެދި ފެން ބާޖު ތިލަފުށި ޑޮކްޔާޑުން މިއަދު ބާލަައިފިއެވެ.

އެމްޕީއެލުން ބުނީ އެ ބާޖަކީ ޖުމްލަ 150 ޓަނުގެ ފެން ރައްކާކުރެވޭ ގާބިލުކަން ލިބިފައިވާ ބާޖެއް ކަމަށެވެ.

މި ފެން ބާޖް ބޭނުންކުރާނީ އުތުރުގައި ވޯޓަރ ބަންކަރިން ޚިދުމަތް ފޯރުކޮށްދިނުމަށް ކަމަށާއި، މި ބާޖަކީ އުތުރުގައި އެ ކުންފުނިން ފޯރުކޮށްދޭ މެރިޓައިމްގެ ޚިދުމަތަށް ލިބުނު އިތުރު ކުރިއެރުމެއްކަމަށް އެމްޕީއެލުން ފާހަގަކޮށްފަވެއެވެ.

ރާއްޖޭގެ އުތުރުގައި ބަންކަރިންގެ ޚިދުމަތް ފޯރުކޮށްދެނީ އެސްޓީއޯ އަދި އެމްޕީއެލް ގުޅިގެންނެވެ.