އެއް ދުވަސްތެރޭ 934 ކޮންޓެއިނަރަށް ޚިދުމަތްދީ އެމްޕީއެލްއިން އައު ރެކޯޑެއް ހަދައިފިއެވެ.

އެމްޕީއެލް އިން ހާމަކުރި ގޮތުގައި މިއީ މިހާތަނަށް އެއް ދުވަސްތެރޭގައި މާލޭގެ ވިޔަފާރި ބަނދަރުން މިހާ ގިނަ ކޮންޓއިނާތަކަަށް ޙިދުމަތް ދެވުނު ފުރތަމަ ފަހަރެވެ. އެގޮތުން މިދިޔަ ބުދަ ދުވަހު އެމްޕީއެލް އިންވަނީ 934 ކޮންޓެއިނާ ކްލިއަރ ކޮށްފައިަކަމަށް އެމްޕީއެލްއިން ވަނީ ހާމަކޮށްފައެވެ.

Ad by Hajj Corporation

ޖާގައިގެ ދަތިކަން ވަރަށް ބޮޑަށް ކުރިމަތިވެފައިވީނަމަވެސް މިފަދަ ލަނޑުދަނޑިއެއް ހާސިލްކޮށް މިހާ ބުރަ މަސައްކަތެއް މިކުރެވުނީ އެކުންފުނީގެ ހީވާގި މުވައްޒަފުންނާއި ބަނދަރުގެ ބޭނުންކުރާ ފަރާތްތަކުގެ އެއްބާރުލުމާއި ބުރަ މަސައްކަތުން ކަމަށެވެ. އަދި މިފަދަ ލަނޑުދަނޑިއެއް ހާސިލްކުރުމުގައި ބައިވެރިިވި އެކުންފުނީގެ ހުރިހާ މުވައްޒަފުންގެ މަސައްކަތްތައް ފާހަގަކޮށް އެ ކުންފުނިން ވަނީ މުވައްޒަފުން ކޮށްދެއްވި ބުރަ މަސައްކަތް ފާހަގަކޮށް ޝުކުރު އަދާކޮށްފައެވެ.

އެމްޕީއެލްގެ ޙިދުމަތްތައް ފުޅާކޮށް އެދެވޭ ގޮތެއްގައި އަވަސް މުއްދަތެއްގެ ތެރޭގައި ދިނުމަަށް އެކުންފުނިންދަނީ ތަފާތު ގިނަ މަސައްކަތްތަކެއް ކުރަމުންނެވެ. އެގޮތުން "އުލިގަމު އިންޓަނޭޝަނަލް ޝިޕް އެންޑް ޕޯޓް ސެކިއުރިޓީ ގޭޓް" ގެ ނަމުގައި ބަންކަރިންގެ ޙިދުމަތަށް ހާއްސަ އިމާރާތެއް އަޅައި އެ ޙިދުމަތް އިފްތިތާޙުކޮށް އަންނަ ބުރާސްފަތި ދުވަހު ޙިދުމަތް ދޭން ފަށާނެ ކަމަށް އެމްޕީއެލް އިން ވަނީ ހާމަކޮށްފައެވެ.