އއ.ރަސްދޫގައި 50 ހައުސިން ޔުނިޓް އެޅުމުގެ މަސައްކަތް މިއަދު ފަށައިފިއެވެ. 

ރަސްދޫގައި އަޅާ ކޮންމެ ހައުސިން ޔުނިޓެއްގައި 1000 އަކަފޫޓް ހުންނާނެއެވެ. އަދި ކޮންމެ ޔުނިޓެއްގައި 3 ކޮޓަރިއާއި، 3 ފާޚާނާއާއި، ސިޓީން ރޫމް، ބަދިގެ ކާގެ އަދި ލޯންޑަރީއާއި ސްޓޯރޫމް ހުންނާނެއެވެ.

މިމަޝްރޫޢުގެ މަސައްކަތް ކޮންޓްރެކްޓްކޮށްފައިވަނީ އެސްއޭ ކޮންސްޓްރަކްޝަން ޕްރައިވެޓް ލިމިޓެޑާއެވެ. 

މިމަޝްރޫޢު ކުރިން އޮތް ގޮތަށް ބައެއް ބަދަލުވެސް ގެނެސްފައިވާކަމަށް ގެދޮރުވެރިކަމާ ބެހޭ ވުޒާރާއިން ވަނީ މީގެ ކުރިން ވިދާޅުވެފައެވެ.

އެގޮތުން ކުރިން މި ހައުސިން ޔުނިޓްތައް ރަށުގެ ދެ ސަރަޙައްދެއްގައި އަޅަން ނިންމާފައި އޮތް ނަމަވެސް، މިހާރު ހުރިހާ ޔުނިޓްތައް ރަށުގެ އެއް ސަރަޙައްދުގައި އަޅާގޮތަށް ޕްރޮޖެކްޓަށް ބަދަލުގެނެސްފައިވާކަމަށް ވުޒާރާއިން ވަނީ ވިދާޅުވެފައެވެ.

ރަސްދޫގައި އަޅާ ކޮންމެ ހައުސިން ޔުނިޓެއްގައި 1000 އަކަފޫޓް ހުންނާނެއެވެ. އަދި ކޮންމެ ޔުނިޓެއްގައި 3 ކޮޓަރިއާއި، 3 ފާޚާނާއާއި، ސިޓީން ރޫމް، ބަދިގެ ކާގެ އަދި ލޯންޑަރީއާއި ސްޓޯރޫމް ހުންނާނެއެވެ.

މީގެއިތުރުން ހައުސިން ޔުނިޓްތަކުގައި ދިރިއުޅޭ މީހުންނަށް ހިތްފަސޭހަ މާހައުލެއް ޤާއިމްކުރުމަށްޓަކައި ޔުނިޓްތައް ވަށައިގެން އަލިކޮށް، ޕާކަކާއި ވެހިކަލްތައް ޕާކްކުރާނެ ސަރަހައްދެއް ހަދާނެކަމަށްވެސް އެވުޒާރާއިން ވިދާޅުވިއެވެ.

ރަސްދޫއަކީ އާބާދީގައި 1200އަށްވުރެ ގިނަ މީހުން ދިރިއުޅެމުން އަންނަ ރަށެކެވެ. އެރަށުގެ ބިމުގެ ބޮޑުމިނަކީ 20 ހެކްޓަރެވެ.