ޔުއޭފާ ނޭޝަންސް ލީގުގައި މި ދިޔައަހަރުގެ ރިހި މެޑަލް ހޯދި ކްރޮއޭޝިއާ ސްކޮޓްލޭންޑް އަތުން ބަލިވެއްޖެއެވެ. ރޭގައި ރަތްކާޑުގެ ސަބަބުން އެކަކު މަދުކޮށް ދެވަނަހާފް ކުޅެންޖެހުނު ކްރޮއޭޝިއާ މި މެޗުން ބަލިވީ 0-1 އިންނެވެ. ސްކޮޓްލޭންޑް ރޭގެ މެޗުން މޮޅުވުމުން އެޓީމުވަނީ މުބާރާތުން ރެލިގޭޓްވުން ހުއްޓުވުމަށް އެއްފިޔަވަޅު ކުރިޔަށް ޖެހިލާފައެވެ. އަދި ރޭގެ މެޗުން ކްރޮއޭޝިޔާ ބަލިވި ނަމަވެސް އެޓީމުވަނީ މުބާރާތުގެ ކުއާޓަރ ފައިނަލަށް ދަތުރުކޮށްފައެވެ.

ރޭގައި ކުޅެވުނު ފާހަގަކޮށްލެވޭ ދެވަނަ މެޗަކީ ނިމިދިޔަ އަހަރުގެ ޗެންޕިއަން ސްޕެއިން އާއި ޑެންމާކު ބައްދަލުކުރިމެޗެވެ. މި މެޗު ސްޕެއިން އިން ކާމިޔާބު ކުރީ 1-2 އިންނެވެ. މެޗުގެ ސްޕެއިންގެ ގޯލުތައް ޖަހައިދިނީ ރެއާލް ސޮސިޑޭޑް ގެ އޮޔަޒަބާލް އާއި ވިލަރެއާލްގެ އަޔޯޒް ޕެރޭޒް އެވެ. މި މުބާރާތުގައި މިހާތަނަށް ކުޅުނު އެއްވެސް މެޗަކުން ސްޕެއިން ބަލިވެފައެއް ނުވެއެވެ. އަދި މި ގްރޫޕް ގެ އެއްވަނަ ޓީމެއްގެ ގޮތުގައި ސްޕެއިން އިން ވަނީ މުބާރާތުގެ ކުއާޓަރ ފައިނަލްގެ ޖާގައެއް ކަށަވަރުކޮށްފައެވެ. މި ގްރޫޕް އިން ކުއާޓަރ ފައިނަލުގެ ދެވަނަ ޖާގަ ލިބޭނީ ޑެންމާކާއި ސާބިޔާ ކުޅޭ މެޗުން މޮޅުވާ ޓީމަކަށެވެ.

Ad by Hajj Corporation

މި މުބާރާތުގެ ކުއާޓަރ ފައިނަލް ގެ މެޗުތައް ކުޅޭނީ އަންނަ އަހަރުގެ މާޗުމަހުގެ ތެރޭގައެވެ.