ފީފާ ވޯލްޑް ރޭންކިންގގެ އެއްވަނަ އަށް ސްޕެއިން އަނބުރާ އައިސްފިއެވެ. މިއީ 2014 ވަނަ އަހަރުން ފެށިގެން ސްޕެއިން މި މަގާމު ހޯދި ފުރަތަމަ ފަހަރެވެ. މި ވަގުތު ދެވަނައިގައި ވަނީ ފްރާންސް އެވެ. އަދި 2023 ވަނަ އަހަރުން ފެށިގެން އެއްވަނައިގައި ހުރި އާޖެންޓީނާ ވަނީ ތިންވަނައަށް ވެއްޓިފައެވެ.

ލުއިސް ޑި ލަ ފުއެންޓޭގެ ކޯޗުކަމުގެ ދަށުން ސްޕެއިން ވަނީ ފުޓްބޯޅަ ދުނިޔޭގެ އެންމެ ވަރުގަދަ ޓީމުތަކުގެ ތެރެއިން އެއް ޓީމުގެ ގޮތުގައި އަލުން ސާބިތުކޮށްދީފައެވެ. މީގެ ތެރޭގައި ޔޫރޯ 2024 ގެ ޗެމްޕިއަންކަމާއި، ނޭޝަންސް ލީގް 2022-23 ގެ ޗެމްޕިއަންކަން ހިމެނެއެވެ. އަދި 2024-25 ގެ ނޭޝަންސް ލީގްގައި ފައިނަލުން ވަނީ ދެވަނަ ހޯދާފައެވެ.

Ad by Hajj Corporation

އެންމެ ފަހުން ކުޅުނު ވޯލްޑް ކަޕް ކޮލިފައިންގ މެޗުތަކުގައި ބަލްގޭރިއާ އާއި ތުރުކީއާ ދެކޮޅަށް ކުޅުނު މެޗުތަކުގައި ވަރުގަދަ ކާމިޔާބީތަކެއް ހޯދާފައިވެއެވެ. މިއާއެކު ޑި ލަ ފުއެންޓޭގެ ކޯޗުކަމުގެ ދަށުން 26 ވަނަ މެޗު ކާމިޔާބުކުރި އެވެ. އޭނާގެ ދަށުން މިހާތަނަށް ދެ މެޗު ބަލިވެ، ހަ މެޗު އެއްވަރުވެފައިވެއެވެ.

މި ކާމިޔާބީތަކާއެކު، އަންނަ އަހަރު ބޭއްވުމަށް ހަމަޖެހިފައިވާ ވޯލްޑް ކަޕްގައިވެސް ފޭވަރިޓަަކަށް ސްޕެއިން ވަނީ ވެގެން ގޮސްފައެވެ.