ސްޕެއިންގެ ގައުމީ ފުޓްބޯޅަ ޓީމުން އެ ޓީމުގެ ބަލިނުވުމުގެ ރެކޯޑް ދަމަހަޢްޓައި ވޯލްޑް ކަޕް ކޮލިފައިންގެ ގްރޫޕް އީގެ އެއްވަނަ ކަށަވަރުކޮށްފިއެވެ. އެގޮތުން ރޭގައި ތުރުކިޔޭ އާ ދެކޮޅަށް ކުޅުނު މެޗު 2-2 ގެ ނަތީޖާއަކުން ވަނީ އެއްވަރުވެފައެވެ. މި ނަތީޖާއާއެކު ސްޕެއިނަށް ގްރޫޕުގެ އެއްވަނަ ލިބުނީ ތިން ޕޮއިންޓުގެ ލީޑަކާއެކުއެވެ.

ސެވިލްގައި ރޭ ކުޅުނު މި މެޗުގެ ކުރިންވެސް، އަންނަ އަހަރު ބާއްވާ ވޯލްޑް ކަޕަށް ސްޕެއިން ގާތްގަނޑަކަށް ކޮލިފައިވެފައިވާކަން ވަނީ ކަށަވަރުވެފައެވެ.

Ad by Hajj Corporation

މެޗުގެ ހަތަރު ވަނަ މިނެޓުގައި ޑެނީ އޮލްމޯ ވަނީ ފުރަތަމަ ލަނޑު ޖަހައި ސްޕެއިންއަށް ލީޑު ނަގާދީފައެވެ. ރޭގެ މެޗުގައި ތުރުކީގެ ގޯލްކީޕަރު އަލްތާޔް ބަޔިންދިރް ވަނީ މޮޅު ކުޅުމެއް ދައްކާފައެވެ. މެޗުގެ 42 ވަނަ މިނެޓުގައި، ސެޓްޕީހަކުން ހެދުނު މިސްޓޭކްގެ ފައިދާ ނަގައިގެން ދެނިޒް ގުލް ވަނީ ތުރުކީއަށް ނަތީޖާ ހަމަހަމަކޮށްދީފައެވެ.

ދެވަނަ ހާފު ފެށިތަނާހެން ތުރުކީން ލީޑު ނެގިއިރު،އޭގެ ހަ މިނެޓު ފަހުން މިކެލް އޮޔަރޒަބަލް ވަނީ ލަނޑެއް ޖަހައި ނަތީޖާ އަނެއްކާވެސް ހަމަހަމަކޮށްފައެވެ.

މި ނަތީޖާއާއެކު، ސްޕެއިނަށް މިހާރު ވަނީ އެންމެ ފަހުން ކުޅުނު 31 މެޗުން ބަލިނުވުމުގެ ރެކޯޑް ދަމަހަށްޓާފައެވެ.