މެޑްރިޑްގައި ކުޅުނު ނޭޝަންސް ލީގުގެ ފައިނަލްގައި ޖަރުމަނު އަންހެން ޓީމުގެ މައްޗަށް ފަސޭހަކަމާއެކު 3-0 ގެ ނަތީޖާއަކުން މޮޅުވެ، އެ ޓީމުން ވަނީ ދެވަނަ ފަހަރަށް ނޭޝަންސް ލީގުގެ ތަށި އުފުލާލާފައެވެ.

މެޓްރޮޕޮލިޓާނޯ ސްޓޭޑިއަމްގައި ކުޅުނު މިމެޗުގައި، ސްޕެއިންގެ ޒުވާން ކުޅުންތެރިންގެ ޓީމުން ވަނީ މެޗުގެ ކުރީކޮޅު ކޮންޓްރޯލް ނަގާފައެވެ. ޕީނާ އާއި ވިކީ ލޯޕޭޒްގެ ހުނަރުވެރި ކުޅުމާއެކު، މެޗުގެ ފުރަތަމަ މިނިޓްތަކުގައި ވެސް ސްޕެއިންއަށް ވަނީ ގިނަ ހުސް ފުރުސަތުތަކެއް ތަނަވަސްވެފައެވެ.

Ad by Hajj Corporation

މެޗުގެ ފުރަތަމަ ގޯލް ފެނިގެން ދިޔައީ ދެވަނަ ހާފް ފެށުމަށް ފަހުގައެވެ. މެޗުގެ 61 ވަނަ މިނެޓުގައި ޕީނާ ވަނީ ވަރުގަދަ ހަމަލާއަކުން ގޯލްގެ ތެރެއަށް ބޯޅަ ވައްދާލާފައެވެ. މިއީ މި މުބާރާތުގައި އޭނާ ކާމިޔާބު ކުރި ހަވަނަ ގޯލެވެ. ދެވަނަ ގޯލު އޭގެ 7 މިނެޓުފަހުން ވިކޯ ލޮޕޭޒް ކާމިޔާބުކުރިއިރު، ސްޕެއިންގެ ތިންވަނަ ގޯލަކީވެސް ޕީނާ ޖެހި ގޯލެކެވެ.

މިކާމިޔާބީއާއެކު ސްޕެއިންގެ ޓީމުން ވަނީ ނޭޝަންސް ލީގުގެ ފުރަތަމަ ދެ މުބާރާތް ކަށަވަރުކޮށްފައެވެ.