ވޮލީބޯލް އެސޯސިއޭޝަން މޯލްޑިވްސް އިން އިންތިޒާމް ކުރި އިންޓަރ އޮފީސް-ކޮމްޕެނީ ވޮލީ މުބާރާތުގެ ފިރިހެން ޑިވިޝަންގެ ފައިނަލް މެޗު ކުޅެން ތައްޔާރުވެއްޖެއެވެ. މި މުބާރާތުގެ ފައިނަލުގައި މިރޭ ބައްދަލުކުރާނީ މޯލްޑިވްސް ޕޮލިސް ސަރވިސް އާއި އެމް.އެން.ޑީ.އެފް އެވެ.

މުބާރާތުގެ ފައިނަލަށް އެމް.އެން.ޑީ.އެފް ދިޔައީ ސެމީގައި މިނިސްޓްރީ އޮފް ސްޕޯޓްސް، ފިޓްނަސް އެނޑް ރެކްރިއޭޝަން 3 ސެޓު 1 ސެޓުން ބަލިކޮށްގެންނެވެ.

އަދި މުބާރާތުގެ ފައިނަލަށް ޕޮލިސް ދިޔައީ ގްރޫޕް ސްޓޭޖުގެ ކުޅުނު ތިން މެޗުން މޮޅުވެ އެއްވަނަ ހޯދައިގެންނެވެ. މި މުބާރާތުގައި އެމް.އެން.ޑީ.އެފް ގެ އިތުރުން ބައިވެރިވެފައިވާ ޓީމުތަކަކީ ޕޮލިހާއި މިނިސްޓްރީ އޮފް ސްޕޯޓްސް، ފިޓްނަސް އެނޑް ރެކްރިއޭޝަނާއި މޯލްޑިވްސް އިމިގްރޭޝަންއެވެ.

މި މުބާރާތް ފައިނަލް ކުޅޭނީ މިރޭ 20:15 ގައި އެޗް.ދީ.ސީ ވޮލީ ކޯޓުގައެވެ.