މިހާރު ކުރިއަށްދާ 20 އަހަރުން ދަށުގެ ކާވާ ވޮލީބޯޅަ މުބާރާތުގެ ތިން ވަނަ މެޗުން ވެސް، ތިން ސެޓުން ރާއްޖޭގެ 20 އަހަރުން ދަށުގެ ފިރިހެން ޓީމު ބަލިވެއްޖެއެވެ.

މިހާރު ސްރީލަންކާގައި ކުރިއަށްދާ މުބާރާތުގައި ރާއްޖެ އެންމެ ފުރަތަމަ ކުޅުނީ ތުރުކެމިނިސްތާން އަތުންނެވެ. އެ މެޗުން ވެސް ރާއްޖެ ބަލިވީ ތިން ސެޓުންނެވެ. ދެވަނަ މެޗުގައި މުބާރާތް ބާއްވާ ގައުމު ލަންކާއާ ދެކޮޅަށް ވެސް ތިން ސެޓުން ރާއްޖެ ބަލިވިއިރު، އެންމެ ފަހު މެޗުން ނޭޕާލްއާ ދެކޮޅަށް ވެސް ރާއްޖެ ބަލިވީ ތިން ސެޓުންނެވެ.

މެޗުތަކުން ބަލިވި ނަމަވެސް އުންމީދީ ކުޅުމެއް ފެނުނު އެ މުބާރާތުގެ ފަހު މެޗުން ރާއްޖެ ބަލިވީ، 05-25، 12-25 އަދި 20-25 އިންނެވެ.

ކުރިއަށް ރާއްޖެއަށް މުބާރާތުގައި އޮތީ ދެ މެޗެވެ. އެއީ މިއަދު އުޒްބަކިސްތާނާ ދެކޮޅަށް ކުޅޭ މެޗު އަދި މާދަމާ ކިރިގިސްތާނާ ދެކޮޅަށް ކުޅޭ މެޗެވެ.