މަސްވެރިންގެ ދުވަސް ފާހަގަކުރުމުގެ ގޮތުން ކެއްކުމުގެ މުބާރާތެއް ބޭއްވުމަށް ނިންމައިފި އެވެ.

ފިޝަރީޒް މިނިސްޓްރީން އިންތިޒާމު ކުރާ މި މުބާރާތް ބޭއްވުމަށް ނިންމާފައިވަނީ މާލޭގައެވެ.

Ad by Hajj Corporation

މިކަމާ ގުޅޭގޮތުން ފިޝަރީޒް މިނިސްޓްރީން ވިދާޅުވީ މަސްވެރިންގެ ދުވަސް ފާހަގަކުރުމުގެ ގޮތުން، މިނިސްޓްރީ އާއި ޝެފްސް ގިލްޑް އޮފް މޯލްޑިވްސް (ސީޖީއެމް) ގުޅިގެން އަންނަ މަހުގެ 7 ވަނަ ދުވަހު މާލޭގައި ކެއްކުމުގެ މުބާރާތެއް ބޭއްވުމަށް ހަމަޖެހިފައިވާ ކަމަށާއި މި މުބާރާތުގެ އަމާޒަކީ ޒުވާނުންނާއި ކެއްކުމުގެ ދާއިރާއަށް އަލަށް ނުކުންނަ ފަރާތްތައްކަށް މިދާއިރާއިން ފުރުސަތު ފަހިކޮށްދިނުން ކަމަށެވެ.

މި މުބާރާތުގައި ބައިވެރިވުމަށް ބޭނުންވާ ފަރާތްތައް ކަމާގުޅޭ ފޯމް ފުރިހަމަ ކުރުމަށް ފަހު އަންނަ މަހުގެ އެއްވަނަ ދުވަހުގެ މެންދުރު 14:00 ގެ ކުރިން މިނިސްޓްރީ އަށް ހުށަހެޅުމަށް ވަނީ އެދިފަ އެވެ.