ޖަރމަން ބުންޑަސްލީގާގައި ބަޔާން މިޔުނިކް އޯގްސްބަރގް އާއި ބައްދަލުކުރި މެޗު 3-0 އިން ބަޔާން މޮޅުވެއްޖެއެވެ. މި މެޗުގައި ބަޔާންގެ ސުޕަސްޓަރ ހެރީކޭން ވަނީ ހެޓްރިކްހަދާ ބުންޑަސްލީގާގައި އައު ރެކޯޑެއް ހަދާފައެވެ.

ރޭގެ ހެޓްރިކާއެކު ނިމިދިޔަ ސީޒަންގައި ބަޔާން އަށް ބަދަކުވި ހެރީކޭން ވަނީ ލީގުގައި މިހާތަނަށް ކުޅުނު 43 މެޗުން 50 ގޯލު ޖަހާ، ލީގުގައި އެންމެ އަވަހަށް 50 ގޯލު ޖެހުމުގެ ރެކޯޑް ހަދާފައެވެ. ކުރިން މި ރެކޯޑް އޮތީ ހާލާންޑް އަތުގައެވެ. ހާލަންޑް އަތުގައި މި ރެކޯޑް އޮތީ ބްރޫޝިޔާ ޑޯރޓްމަންޑަށް ކުޅުނު ފުރަތަމަ 50 މެޗުން 50 ގޯލު ހަމަކޮށްގެންނެވެ.

ރޭގެ މެޗުގައި ކޭން ޖެހި 3 ގޯލުގެ ތެރެއިން 2 ގޯލަކީ ޕެނަލްޓީ ދެ ގޯލެވެ. އަދި ރޭގެ 3 ގޯލާއެކު ކޭން ވަނީ މި ސީޒަން ބުންޑަސްލީގާގެ ގޯލު ޗާޓުގެ އެއްވަނައިގައި ހަމަޖެހިލާފައެވެ. އެގޮތުން މި ސީޒަނުގައި ލީގުގައި މިހާތަނަށް ކޭން ވަނީ 14 ގޯލު ޖަހާފައެވެ.

ރޭގެ މޮޅާއެކު ބަޔާން އިން ވަނީ ކުޅުނު 11 މެޗުން ލިބުނު 29 ޕޮއިންޓާއެކު ތާވަލުގެ އެއްވަނައިގައި ހިފަހަށްޓާލާފައެވެ.