އިސްރާއީލް ޕާސްޕޯޓް މަނާކުރުމުގެ މަސައްކަތް ކުރާނީ ''ރޮކެޓް ސްޕީޑްގައި''ގައި ކަމަށް ވިލިމާލޭ ދާއިރާގެ މެންބަރު، ޕީއެންސީގެ ޑެޕިއުޓީ ޕީޖީ ލީޑަރު މުހައްމަދު އިސްމާއީލް މިއަދު ވިދާޅުވެއްޖެއެވެ.

 ''އިސްރާއީލް ޕާސްޕޯޓު މަނާކުރުން، އިބިލީހު ކައިވެންޏަށް'' ކަމަށް ބުނެ، އަލީ ރަމީޒް ވަނީ އެކްސްގައި ޕޯސްޓެއް ކޮށްފައެވެ.

މި ޕޯސްޓް ހިއްސާކުރަމުން މެމްބަރު މުހައްމަދު އިސްމާއީލް ވިދާޅުވީ، އެމަސައްކަތް މިފެށޭ ހަފުތާގައި ''ރޮކެޓް ސްޕީޑްގައި''ގައި ބާރަށް ކުރިއަށް ގެންދަވާނެ ކަމަށެވެ.

''ނޫން، ބާރަށް ކުރިއަށް ގެންދާނަން އިންޝާﷲ، މި ފެށޭ ވީކްގައި ރޮކެޓް ސްޕީޑްގައި ގެންދާނަން އިންޝާﷲ'' މުހައްމަދު ވިދާޅުވެފަވެއެވެ.

އިޒްރޭލުގެ ޕާސްޕޯޓު އޮންނަ މީހުން ރާއްޖެ އަށް އެތެރެވުން މަނާކުރުމަށް އިމިގްރޭޝަން ގާނޫނު ބަދަލުކުރަން ހުށަހެޅީ މިދިޔަ މޭ މަހުގެ 29 ވަނަ ދުވަހުއެވެ. މި ބިލު ބަލައިގަނެ މިހާރު އޮތީ ކޮމިޓީ މަރުހަލާގައެވެ.