ކުރީގެ ރައީސް ޔާމީންގެ އިސް ގާނޫނީ ވަކީލު، ކުރީގެ ނައިބު ރައީސް ޑރ. ޖަމީލް ސިޔާސީ ހަތިޔާރަށް ދީން ހައްދަވާތީ، ވިލިމާލެ ދާއިރާގެ މެމްބަރު މުހައްމަދު އިސްމާއީލް އޭނާ އަށް ނަސޭހަތްތެރިވެއްޖެއެވެ.

މުހައްމަދު އިސްމާއީލް ވިދާޅުވި ގޮތުގައި، ޑރ. ޖަމީލް ވަނީ ސިޔާސީ ބޭނުމަށް ދީން ހަތިޔާރަކަށް ހައްދަވާފައެވެ. އޭނާ ވަނީ، "ޤުރުއާނާއި ރަސޫލާﷺ ޙަދީޘް އަކީ ސަކަރާތް ޖަހަން ރިފަރެންސް ހަދާ، އޭގެ މާނަ އަމިއްލަ ސަކަ ނިވައިފަތްގަނޑަކަށް ބޭނުން ކުރާކަހަލަ އެއްޗެއްތޯ؟"ޖަމީލާއި ސުވާލު ކުރަށްވާފައެވެ.

މުހައްމަދު އިސްމާއީލް އިތުރަށް ވިދާޅުވީ، ޝިރުކަކީ ކުޑަކަމެއް ނޫން ކަމަށާއި، ތައުބާ ނުވެ ހުއްޓައި މަރުވެއްޖެނަމަ އެއީ ނުރައްކާތެރި ކަމެއް ކަމަށެވެ. އަދި ޑރ. ޖަމީލްގެ ވާހަކަފުޅުތަކަކީ ފިކުރުކޮށްލުމެއް ނެތި ދެއްކެވި ވާހަކަފުޅުތަކެއްތޯ ސުވާލު އުފައްދަވާފައިވެއެވެ.

މުހައްމަދު އިސްމާއީލް އިތުރަށް ވިދާޅުވެފައިވަނީ، "އަޅުގަނޑަށް މިކަމުގައި އިނގޭ ގޮތަކީ ހިސާބު ނިންމަވާނީ ﷲ سبحانه و تعالى ކަން، އަހުރުން ކަހަލަ ނިކަމެތި އިންސާނުން ނޫންކަމެވެ." މިފަދައިންނެވެ. އަދި ސިޔާސީ ބޭނުމަށް ދީން ބޭނުންނުކުރުމަށް ޑރ. ޖަމީލަށް ނަސޭހަތްތެރިވެވަޑައިގެންފައިވެއެވެ.

ކުރީގެ ނައިބު ރައީސް މުހައްމަދު ޖަމީލު އަހްމަދު، ކުރީގެ ރައީސް ޔާމީންގެ ކޮޓަރި ޖަލްސާގައި ދަނީ ކޮންމެވެސް ޖަޒުބާތެއް ބަންޑުން ކުރައްވަމުންނެވެ. މި ބަންޑުންކުރެއްވުމުގައި ކިޔާ ނުކިޔޭ އެއްޗެއް ނޭނގޭ ހާލަތަށް ވެސް ދެއެވެ.