ޒަކިއްޔާގެ މަރު: އިންސާފަށް އެދި ހޮޅުދޫ ރައްޔިތުން ނިކުންނަނީ


24 ނޮވެމްބަރު 2024 - 12:38
ނ. ހޮޅުދޫގައި ޒަހަމްތަކަކާއެކު މަރުވެފައި އޮއްވާ ފެނުނު ޒަކިއްޔާ މޫސާގެ މަރަށް އިންސާފު ނުލިބޭކަމަށް ބުނެ އެކަމުގެ ކަންބޮޑުވުން ފާޅުކުރުމަށް މާދަމާ އެއްވުމެއް ބާއްވަން ނިންމައިފިއެވެ.
މި އެއްވުން ބޭއްވުމަށް ހަމަޖެހިފައިވަނީ މާދަމާ ހަވީރު 4:15 ގައި އެރަށު ބޯޅަ ދަނޑުގައެވެ.
އުމުރުން 50 އަހަރުގެ ޒަކިއްޔާގެ ބޮޑެތި ޒަހަމްތަކަކާއެކު ނިޔާވެފައި އޮއްވާ ފެނުނީ އޭނާ ދިރިއުޅުނު ގޭގެ ބަދިގެ ފަރާތުގައި ހުންނަ ގުދަނެއްގެ ކައިރިން ސެޕްޓެމްބަރު 10 ވަނަ ދުވަހުގެ ހެނދުނު 10:00 ހާއިރުއެވެ.
މާދަމާގެ އެއްވުމާ ގުޅޭގޮތުން ދައުރުކުރަމުންދާ ޕޯސްޓް
އޭނާ އަކީ ޑިޕްރެޝަނަށް ފަރުވާ ހޯދާ މީހަކަށް ވާތީ އެންމެ ފުރަތަމަ އޭނާ މަރުވީ އަމިއްލައަށް ކަމަށް އަޑު ފެތުރުނު ނަމަވެސް، ފުލުހުން ވަނީ ޖިނާއީ ތަހުގީގެއް ފަށައިފައެވެ. ނަމަވެސް މިއަދާ ހަމައަށް އައިއިރުވެސް ފުލުހުންގެ ތަޙުޤީޤު ނިމިފައެއް ނުވެއެވެ.
ޒަކިއްޔާގެ މަރުވީ އަމިއްލައަށް ނޫން ކަމަށް ބުނެ، އެކަމަށް ބާރުދޭ ލިޔުމެއް ތައްޔާރުކޮށް އެ ލިޔުމުގެ ޕްރިންޓުތަކެއް ވަނީ އެ ރަށު ބައެއް މަގުތަކަށް އަޅާފައެވެ.
ޒަކިއްޔާގެ މަރާ ގުޅިގެން ތުހުމަތުތަކެއް އަމާޒުވަމުންދާތީ އޭނާގެ ޕޯސްޓްމޯޓަމް ހެދުމަށް ނިންމިއެވެ. އަދި އޭނާގެ މަރާ ގުޅޭ ތަހުގީގު ހިންގުމަށް މާލެއިން ހާއްސަ ޓީމެއްވެސް ހޮޅުދުއަށް ދިޔައެވެ. ޒަކިއްޔާގެ އާއިލާއާއި ހޮޅުދޫ ރައްޔިތުން އަދިވެސް ތިބީ މިއަދު އެ ގެނުވި ސިހުމާއި އެ ސިހުމުން އުފެއްދި ސުވާލުތަކަށް ސާފު ޖަވާބެއް ލިބުމުގެ އިންތިޒާރުގައެވެ.
އަނިޔާވެރި މަރެއްގެ ތުހުމަތު އޮތަތީ އެ ތުހުމަތަށް އަވަސް ފައިސަލާއެއް ލިބޭނެކަމުގެ އުއްމީދުގައެވެ.
އިތުރު ލިޔުންތައް

ޒަކިއްޔާގެ މަރު: ތަޙުޤީޤު އަވަސްކުރުމަށް ގޮވާލާ ހޮޅުދޫގައި އެއްވުމެއް ބާއްވައިފި
4 މަސް ކުރިން
"މަރުވީކީނޫން މަރާލީ" އިނގިލި އެ ދިއްކުރަނީ ކާކަށް؟
4 މަސް ކުރިން
ޒަކިއްޔާގެ މަރުގައި އެހެން މީހެއްގެ ބައިވެރިވުމެއް މިހާތަނަށް ފާހަގަ ނުކުރެވޭ: ފުލުހުން
4 މަސް ކުރިން