ވޮލީބޯލް އެސޯސިއޭޝަނުން އިންތިޒާމްކޮށްގެން ރާއްޖޭގެ ސްކޫލްތަކަށް އަމާޒުކޮށްގެން ބާއްވާ އިންޓަރ ސްކޫލް ވޮލީބޯޅަ މުބާރާތް އިއްޔެ ފަށައިފިއެވެ.

ނޮވެމްބަރު 23 އިން ޑިސެމްބަރ 7 އަށް ކުރިޔަށް ގެންދިޔުމަށް ހަމަޖެހިފައިވާ މި މުބާރާތުގެ 2 ކެޓަގަރީއަކުން ވާދަކޮށްފައިވެއެވެ. އެއީ އަތޮޅު ކެޓަގަރީ އާއި މާލެ ކެޓަގަރީއެވެ. އެގޮތުން މާލެ ކެޓަގަރީގައި ޖުމްލަ 12 ސްކޫލަކުން އަންހެން އަދި ފިރިހެން ކެޓަގަރީގައި ޖުމްލަ 31 ޓީމު ބައިވެރިވެފައިވެއެވެ. އަދި އަތޮޅު ކެޓަގަރީގައި 24 ސްކޫލަކުން އަންހެން އަދި ފިރިހެން ކަޓަގަރީގައި ޖުމްލަ 49 ޓީމު ބައިވެރިވެފައިވެއެވެ.

އަދި މީގެ އިތުރުން އަންޑަރ 19 އަންހެން ކެޓަގަރީ އެއްގައި 9 ސްކޫލް ވާދަކުރެއެވެ. އަދި މުބާރާތުގެ އަންޑަރ 14 އަންހެން ކެޓަގަރީއިން ޖުމްލަ 10 ސްކޫލެއް ވާދަކުރެއެވެ. މުބާރާތުގެ އަންޑަރ 16 އަންހެން ކެޓަގަރީއިން ޖުމްލަ 18 ޓީމަކުން ވާދަކުރެއެވެ.

މީގެ އިތުރުން އަންޑަރ 19 ފިރިހެން ކެޓަގަރީ އެއްގައި 11 ސްކޫލް ވާދަކުރާއިރު، އަންޑަރ 14 ފިރިހެން ކެޓަގަރީއިން ޖުމްލަ 10 ސްކޫލެއް ވާދަކުރެއެވެ. އަދި މުބާރާތުގެ އަންޑަރ 16 ފިރިހެން ކެޓަގަރީއިން ޖުމްލަ 22 ޓީމަކުން ވާދަކުރެއެވެ.