މޯލްޑިވްސް މަނިޓަރީ އޮތޯރިޓީ (އެމްއެމްއޭ) އިން ބޭރު ފައިސާއާބެހޭ ބިލެއް އެކުލަވާލައި، އެ ބިލުގެ ޑްރާފްޓަށް އާންމުންގެ ޚިޔާލަށް ހުޅުވާލައިފިއެވެ.

އެމްއެމްއޭއިން ވިދާޅުވީ މި ބިލުގެ މައިގަނޑު މަގުސަދަކީ، މިދިޔަމަހު ޢަމަލުކުރަން ފަށާފައިވާ ބޭރު ފައިސާއާބެހޭ ގަވާއިދުގައި ބަޔާންކޮށްފައިވާ ކަންކަން އިތުރަށް ހަރުދަނާކުރުން ކަމަށެވެ.

މި ބިލަށް ކަމާގުޅޭ ފަރާތްތަކުގެ ޚިޔާލު ހޯދުމަށް ފޮނުވާފައިވާއިރު، އެމްއެމްއޭއިން ވިދާޅުވީ މި ބިލަކީ ވިޔަފާރިތަކާއި ރައްޔިތުންގެ ލާބައާއި މަންފާއާ ގުޅިފައިވާ ބިލަކަށް ވާތީ ވިޔަފާރިތަކުންނާއި އާންމު ރައްޔިތުންގެ ޚިޔާލު ހޯދަން ބޭނުންވާ ކަމަށެވެ.

މި ބިލުގައިވާ ގޮތުން ޓޫރިޒަމް ދާއިރާގެ ހުރިހާ ވިޔަފާރިތަކުން ވެސް ކަނޑައަޅާފައިވާ ވަކި އަދަދެއް ބޭންކްތައް މެދުވެރިކޮށް މާރުކުރަން ޖެހޭނެ އެވެ.

ކެޓަގަރީ "އޭ" ގައި ހިމެނެނީ ރިސޯޓުތަކާއި ހޮޓާތަކާއި ޓޫރިސްޓް އުޅަނދުތަކެވެ. އެ ކެޓަގަރީގައި ހިމެނޭ ފަރާތްތަކުން ކޮންމެ ޓޫރިސްޓަކަށް، ބޮލަކަށް 500 ޑޮލަރުގެ ރޭޓުން، ރާއްޖޭގެ ބޭންކަކަށް ޑޮލަރު މާރުކުރަން ލާޒިމްވާނެ އެވެ.

ކެޓަގަރީ "ބީ" ގައި ހިމެނޭ ގެސްޓް ހައުސްތަކުން ކޮންމެ ޓޫރިސްޓެއްގެ ބޮލަކަށް 25 ޑޮލަރުގެ ރޭޓުން ކޮންމެ މަހަކު އެ އަދަދު ބޭންކަކަށް ޖަމާކޮށް މާރުކުރަން ޖެހެ އެވެ.

އެމްއެމްއޭ އިން ވަނީ މި ބިލަށް އާންމުންގެ ޚިޔާލު ހުށަހެޅުމުގެ ފުރުސަތު 1 ޑިސެންބަރުގެ 14:00އާ ހަމައަށް ހުޅުވާލާފައެވެ.

މި ބިލަށް ޚިޔާލު ހުށަހަޅަންޖެހޭނީ އަށް އީ-މެއިލް މެދުވެރިކޮށެވެ.