ޕްރީމިއަރ ލީގުގައި ލަންޑަން ސްޓޭޑިއަމްގައި ރޭ ކުޅުނު މެޗުގައި އާރސެނަލް ވެސްޓްހެމް ޔުނައިޓެޑް 5-2 އިން ބަލިކޮށްފިއެވެ. އާރސެނަލްގެ ފަރާތުން މޮޅުކުޅުމެއް ފެނުނު މިމެޗުގެ ފުރަތަމަ ހާފުގައި އެޓީމުންވަނީ ފަސްގޯލުޖަހާފައެވެ.

މި މެޗުގައި އާރސެނަލްގެ ފަރާތުން އެންމެ ފުރަތަމަ ގޯލު ޖެހީ ގެބްރިއެލްއެވެ. އާރސެނަލްގެ ދެވަނަގޯލު ޓްރޮސާޑް ޖެހިއިރު ތިންވަނަގޯލަކީ ސަކާއަށް ކުރި ފައުލަކާއިގުޅިގެން ލިބުނު ޕެނަލްޓީއަކުން އޮޑެގާޑް ޖެހިގޯލެކެވެ. މެޗުގެ ހަތަރުވަނަ ގޯލު އާރސެނަލްއަށް ޖަހައިދިނީ ހަވާޓްޒް އެވެ. އާރސެނަލްގެ ފަހުގޯލަކީވެސް ޕެނަލްޓީ ގޯލެކެވެ. މި ގޯލުކާމިޔާބުކޮށްދިނީ ސަކާއެވެ.

ވެސްޓްހޭމްއިން ޖެހި ދެ ގޯލުވެސް ޖަހާފައިވަނީ ފުރަތަމަ ހާފުގައެވެ. މި ގޯލުތައް ޖަހާފައިވަނީ ވެންބިސާކާ އާއި އެމަރސަން އެވެ.ދެވަނަ ހާފުގައި ދެ ޓީމުންވެސް މާބޮޑު ލަނޑުޖަހާނެ މާގިނަ ފުރުސަތުތަކެއް ނުލިބެއެވެ.

މި މެޗާއެކު އާރސެނަލް ވަނީ 25 ޕޮއިންޓާއެކު ޕްރިމިއަރ ލީގުގެ ދެވަނަ އަރާފައެވެ. ނަމަވެސް މިރޭ ލިވަރޕޫލާއި ސިޓީ ބައްދަލުކުރާމެޗުން ސިޓީ މޮޅުވެއްޖެނަމަ، ސިޓީ ތާވަލުގެ ދެވަނައަށް އަރާނެއެވެ.