ރާއްޖެއިން ފުރާ ފަސިންޖަރުންގެ އަތުން ނަގާ ފީ އާއި ޓެކްސް ބޮޑުވެއްޖެއެވެ.

ސަރުކާރުން ވަނީ ގްރީން ޓެކްސް ދެގުނަކޮށް، ޓީޖީއެސްޓީ އަދި ޑިޕާޗާ ފީ ބޮޑުކުރަން ހުށަހެޅި ހުށަހެޅުން މަޖިލީހަށް ހުށަހެޅިގޮތަށް އެއްވެސް ބަދަލެއް ގެނައުމަކާ ނުލައި ފާސްކުރީ އޮކްޓޯބަރުމަހުގެ 31 ވަނަ ދުވަހުއެވެ.

މަޖިލީހުގެ ތަޅުމުގައި ނެގި ވޯޓުގައި މުދަލާއި ޚިދުމަތުގެ އަގުން ޓެކްސް ނެގުމުގެ ގާނޫނު ފާސްކޮށްފައިވަނީ 70 މެންބަރުންގެ ވޯޓުންނެވެ. އެ ބިލާ ދެކޮޅަށް 8 މެންބަރަކު ވޯޓުދެއްވިއެވެ.

މިއާއެކު މިއަދުން ފެށިގެން އިކޮނޮމިކް ކުލާހުން ފުރާ ބިދޭސީންގެ އަތުން ކުރިން ނެގި 30 ޑޮލަރު، 50 ޑޮލަރަށް ބޮޑުވެ، ބިޒްނަސް ކުލާހުން ފުރާ ދިވެހިންނާއި ބިދޭސީންގެ އަތުން ނެގި 60 ޑޮލަރު، 120 ޑޮލަރަށް ބޮޑުވެ، ފަސްޓް ކުލާހުން ފުރާ ދިވެހިންނާއި ބިދޭސީންގެ އަތުން ނެގި 90 ޑޮލަރު، 240 ޑޮލަރަށް ބޮޑުވެ އަދި

ޕްރައިވެޓް ޖެޓްގައި ފުރާ މީހުންގެ އަތުން ނެގި 120 ޑޮލަރު، 480 ޑޮލަރަށް ބޮޑުވެފައިވެއެވެ.

މިއާއެކު އަންނަ އަހަރު މި ޓެކްސްތަކުން 963.6 މިލިއަން ރުފިޔާ ދައުލަތަށް ލިބޭނެކަމަށް ވަނީ އަންދާޒާކޮށްފައެވެ.