90 ޕްލަސް ގޯލްޑްކަޕްގެ ގްރޫޕް ބީގައި ގަދަފަދަ މާލޭގެ ޓީމުގެ މައްޗައް އޭދަފުށިން ކުރިހޯދައިފިއެވެ. މި މެޗަށް ނިކުތްއިރު މި މުބާރާތުގައި އޭދަފުއްޓާއި މާލެ ސިޓީއިން ކުޅުނު ހުރިހާ މެޗުތަކުން ވަނީ މޮޅުވެފައެވެ.

ރޭގެ މެޗުގައި އޭދަފުށި މޮޅުވީ 2-0 އިން ނެވެ. މިއީ ތަޖުރިބާކާރު ކުޅުންތެރިންނާއެކު ކުޅުނު މާލޭގެ ޓީމަށް މުބާރާތުގައި ލިބުނު ފުރަތަމަ ބަލިވުމެވެ. މި މުބާރާތުގައި މާލެ ސިޓީގެ އިތުރުން އޭދަފުށީގެ ޓީމުގައިވެސް ތަޖުރިބާކާރު ގިނަ ކުޅުންތެރިންތަކެއް ކުޅެފައިވެއެވެ.މެޗު ފެށިގެން މާލޭގެ ޓީމުން މޮޅު ކުޅުމެއް ދެއްކި ނަމަވެސް، އޭދަފުށީގެ ޓީމުން ކުޅުން ރަނގަޅުކޮށް، މާލެ ސިޓީގެ ގޯލަށް ނުރައްކާތެރި ހަމަލާތަކެއް އަމާޒުކޮށް ފޮނުވާލާފައިވެއެވެ. އޭދަފުށީގެ ފުރަތަމަ ގޯލު ޖެހީ ލިބުނު ހިލޭ ޖެހުމަކުން އެ ޓީމުގެ ބޭރު ކުޅުންތެރިޔާ އަޙްމަދު އައިހަމްއެވެ. ދެވަނަ ގޯލު ޖަހައިދިނީ އަލީ ފާސިރު (ސެންޓޭ) ގެ ކޮއްކޮ މުޙައްމަދު ފާސިރެވެ.ރޭގެ މޮޅާއެކު އޭދަފުށި ވަނީ މުބާރާތުގައި ކުޅުނު ހުރިހާ މެޗަކުން މޮޅުވެފައެވެ. އަދި އޭދަފުށިވަނީ ކުޅުނު 3 މެޗުން 9 ޕޮއިންޓް ހޯދައި ގްރޫޕް ބީގެ އެއްވަނަ ހޯދާފައެވެ. މާލެ ސިޓީއިން ވަނީ 2 މެޗުން 6 ޕޮއިންޓް ހޯދައިގެން ގްރޫޕްގެ 2 ވަނަ ހޯދައި މުބާރާތުގެ 2 ވަނަ ބުރުން ޖާގަ ހޯދާފައެވެ.މި ގްރޫޕްގެ ފުލުގައި އޮތީ ތިމަރަފުށްޓާއި ތުޅާދޫއެވެ. މި ދެ ޓީމަށް މި މުބާރާތުގައި އަދި ޕޮއިންޓެއް ލިބިފައެއް ނުވެއެވެ.