ސްޕެނިޝް ލަލީގެ ރައުންޑް 19 ގައި ރޭގައި ބާސެލޯނާ މަޔޯކާ އާއި ވާދަކޮށް މޮޅުވެއްޖެއެވެ. ރޭގައި ކުޅުނު މެޗުގައި ރެއާލް މަޔޯކާ ބަލިކުރީ 5-1 ގެ ނަތީޖާއަކުންނެވެ. މި މެޗުގައި ބާސެލޯނާގެ ކެޕްޓަން ރަފީނިޔާ ފަނީ ދެ ގޯލު ޖަހައި، މި ސީޒަންގައި އޭނާ ޖެހި ގޯލުގެ އަދަދު 16 އަށް އަރުވާފައެވެ.އެސްޓާޑީ ސޯން މޯއިކްސްގައި ކުޅުނު މި މެޗުގައި ބާސެލޯނާގެ ފުރަތަމަ ގޯލު ޖެހީ ފެރާން ޓޯރެސްއެވެ. ނަމަވެސް ފުރަތަމަ ހާފުގެ ނިމުމާ ކައިރިވަނިކޮށް ވެދަޓް މުރިކީ ރިއަލް މަޔޯކާއަށް ގޯލު ޖަހައިދީ މެޗު އެއްވަރުކުރިއެވެ.ދެވަނަ ހާފުގައި ބާސެލޯނާގެ ކުޅުން ރަނގަޅުކޮށް، މެޗުގެ 56 ވަނަ މިނެޓުގައި ލަމީން ޔަމާލްއަށް ފައުލްކުރުމުން ލިބުނު ޕެނަލްޓީއެއް ރަފިންހާ ގޯލަކަށް ބަދަލުކޮށް، ބާސެލޯނާ އަނެއްކާވެސް ލީޑުނެގިއެވެ. އޭގެ ފަހުން 74 ވަނަ މިނެޓުގައި ލަމީން ޔަމާލްގެ ރީތި ކްރޮސްއަކުން ރަފިންހާ އޭނާގެ ދެވަނަ ގޯލު ޖެހިއެވެ.މެޗުގެ ފަހު ވަގުތުތަކުގައި ބަދަލުކުޅުންތެރިއެއްގެ ގޮތުގައި ކުޅެންނިކުމެ ޑި ޖޯންގް އާއި ޕައު ވިކްޓަރ ވެސް ގޯލު ޖަހައި، ބާސެލޯނާގެ ކާމިޔާބީ އިތުރަށް ފުރިހަމަކޮށްދިނެވެ. މި ކާމިޔާބީއާއެކު ބާސެލޯނާއިން ލީގުގެ ދެވަނައިގައި އޮތް ރިއަލް މެޑްރިޑާ ދެމެދު އޮތް ޕޮއިންޓުގެ ފަރަގު 4 އަށް ވަނީ އިތުރުވެފައެވެ. ނަމަވެސް ބާސެލޯނާއިން ވަނީ ރިއަލް މެޑްރިޑަށްވުރެ ދެ މެޗު އިތުރަށް ކުޅެފައެވެ.