ހުޅުމާލޭ ފޭސް 1 އަދި ފޭސް 2ގެ ދުވާރު މަރާމާތު ކުރުމުގެ ހައުސިން ޑެވެލޮޕްމަންޓް ކޯޕަރޭޝަން (އެޗްޑީސީ) އިން ފަށައިފިއެވެ.

އެޗްޑީސީން އެ މަސައްކަތް ފަށާފައިވަނީ ހުޅުމާލެއަކީ ހިތްފަސޭހަ ތަނަކަށް ހެދުމަށް ކުރަމުންދާ މަސައްކަތުގެ ތެރެއިން ކަމަށް އެ ކުންފުނިން ބުނެއެވެ.

Ad by Hajj Corporation

އެގޮތުން މިވަގުތު މަސައްކަތް ކުރިއަށްދާ މަގުތަކުގެ ތެރޭގައި ނިރޮޅުމަގު 19، އޮނުގަސް މަގު އަދި ޖަވާހިރުގަސް މަގު ހިމެނެއެވެ.

މީގެ އިތުރުން، ހުޅުމާލޭ ރުއްގަނޑު ސަރަހައްދުގައި ހާއްސައެހީއަށް ބޭނުންވާ މީހުންނަށް ބޭނުންކުރެވޭނެހެން ވޯކްވޭއެއް ގާއިމްކުރުމުގެ މަސައްކަތް އެ ކުންފުނިން މިހާރު ދަނީ ކުރަމުންނެވެ.

ހުޅުމާލެއަކީ ހިތްފަސޭހަތަނަކަށް ހެދުމަށް އެޗްޑީސީއިން އިސްނަގައިގެން ކުރާ މަސައްކަތްތަކުގެ ތެރެއިން، ސަރުކާރުގެ އެކި މުއައްސަސާތަކާ ގުޅިގެން ވެސް އެކި މަސައްކަތްތައް ދަނީ ކުރަމުންެނެވެ. އެގޮތުން ހުޅުމާލެ ސިނާޢީ ސަރަހައްދުގައި ހަލާކުވެ ވީރާނާވަން ދޫކޮށްފައިހުރި ވވެހިކަލްތައް ނަގައި، އެތަން ސާފުކުރުމުގެ މަސައްކަތް ވެސް އެ ކުންފުނިން ވަނީ ކޮށްފައެވެ. އެ މަސައްކަތް އެ ކުންފުނިން ކުރީ ފުލުހުން އަދި މޯލްޑިވްސް ޕޯސްޓް ވެސް ގުޅިގެންނެވެ.