ހުޅުމާލެ ދެވަނަ ފިޔަވަހީގައި ގާއިމްކޮށްފައިވާ ކިޔޮކްސްކް ކުއްޔަށް ހިފުމަށް ޝައުގުވެރިވާ ފަރާތްތަކަށް އެފުރުސަތު ހުޅުވާލައިފިއެވެ.

ހައުސިން ޑިވެލޮޕްމަންޓް ކޯޕްރޭޝަން (އެޗްޑީސީ)ން ނެރުނު އިއުލާނެއްގައި ބުނެފައިވަނީ، ހުޅުމާލެ ފޭސް 2ގައި ގާއިމްކޮށްފަިއވާ 20 ކިޔޮކްސްކް ކުއްޔަށް ހިފުމަށް ބޭނުންވާ ފަރާތްތަކަށް ކިއޮސްކުތައް ކުއްޔަށް ނަގަން ޝައުގުވެރިވާ ފަރާތްތަކުން އަންނަ ސެޕްޓެމްބަރު މަހުގެ ފަސް ވަނަ ދުވަހު 14:00 ގެ ކުރިން އެކަމަށް އެދި ފޯމު ހުށަހެޅުމަށް އެދޭ ކަމަށެވެ.

އަދި އެކަމަށް ޝަރުތު ހަމަވާ ފަރާތްތަކުގެ މެދުގައި ގުރުއަތު ނެގުން ސެޕްޓެމްބަރު މަހުގެ 19 ވަނަ ދުވަހު އޮންނާނެ ކަމަށް އެޗްޑީސީން ވަނީ ބުނެފައެވެ.

މިކަމާއި ގުޅޭ އިތުރު މައުލޫމާތު އެޗްޑީސީގެ ވެބްސައިޓުން ލިބޭނެއެވެ.

އެޗްޑީސީން ވަނީ އެކަމާއި ގުޅޭ އިިތުރު މައުލޫމާތު ހޯދުމަށް އެ ކޯޕަރޭޝަނުގެ ހޮޓްލައިން ނަންބަރު 1516 އަށް ގުޅައިގެން ހޯދުމަށް އެދިފައެވެ.