އިނގިރޭސި ޕްރީމިއަރ ލީގުގައި ރޭގައި އާރސެނަލް އާއި މެންޗެސްޓަރ ޔުނައިޓެޑު ބައްދަލުކުރިމެޗުގައި ދެ ކޯނަރުން ގޯލުޖަހައި އާރސެނަލްއިން ޔުނައިޓެޑު ހަމަބިމަށް ތިރިކޮށްފިއެވެ.

ރޭގެ މެޗުގައި އާރސެނަލްގެ ކޯނަރުން ގޯލުތައް ޖަހައިދިނީ މެޗުގެ 53 ވަނަ މިނެޓުގައި ޑިފެންޑަރ ޓިމްބަރ އެވެ. އަދި އާރސެނަލްގެ ދެވަނަ ކޯނަރު ގޯލަކީ ސަލީބާގެ ގައިގައި ޖެހިފައި ވަތް ގޯލެކެވެ. މީގެ އިތުރުންވެސް ކޯނަރުން ގޯލުޖަހާނެ ގިނަފުރުސަތުތަކެ ލިބުނު އާރސެނަލް އަށް މިމެޗުގައި ޖުމްލަ 13 ކޯނަރުލިބިފައިވެއެވެ. އަދި ޔުނައިޓެޑަށް އެންމެ ކޯނަރެއްވެސް ލިބިފައިނުވެއެވެ. އާރސެނަލް އިން ވަނީ ކޯނަރުތަކަށާއި ހިލޭޖެހުންތަކަށް ހާއްސާ ކޯޗެއް ގެނެސް އޭނާގެ އިރުޝާދުގެ ދަށުން ގިނަ ސެޓްޕީސްތަކެއް މިސީޒަނުގައި ކާމިޔާބުކޮށްފައެވެ. އަދި މި ސީޒަނުގައި އާރސެނަލްގެ އެންމެ ނުރައްކާތެރި ހަތިޔާރަކީވެސް ކޯނަރުތަކާއި ހިލޭޖެހުންތަކެވެ.

ރޭގެ ބަލިވުމަކީ ޔުނައިޓެޑުގެ އައުކޯޗު އަމޯރިމް ގެ ފުރަތަމަ ބަލިވުމެވެ. ރޭގެ ބައްޔާއެކު ޔުނައިޓެޑުވަނީ ތާވަލުގެ 14 ވަނައަށް ވެއްޓިފައެވެ. އަދި ރޭގެ މެޗުން އާރސެނަލް މޮޅުވިނަމަވެސް އެޓީމުވަނީ ޗެލްސީގެ ފަހަތުން ތާވަލުގެ 3 ވަނައަށް ވެއްޓިފައެވެ. ރޭގައި ޗެލްސީވަނީ ސައުތްހެމްޓަން އާއި ވާދަކޮށް 5 ގޯލުޖަހައި، އާރސެނަލް އަށްވުރެ ފައިދާގޯލު އިތުރުކޮށް ތާވަލުގެ ކުރިޔަށް ޖެހިލާފައެވެ.