އިނގިރޭސި ޕްރީމިއަރ ލީގު: ސަލާޙު ފަހުވަގުތު ޖެހި ގޯލާއެކު އާރސެނަލް ގެ އަތުން ލިވަޕޫލަށް މުހިންމު ޕޮއިންޓެއް.

ލިވަރފޫލާއި އާރސެނަލް ކުޅުނު މެޗު ވަނީ އެއްވަރުވެފައި. ފޮޓޯ: ލިވަރޕޫލް

27 އޮކްޓޯބަރު 2024 - 18:57
އިނގިރޭސި ޕްރީމިއަރ ލީގު ތާވަލުގެ 3 ވަނަގައި އޮތް އާރސެނަލް އާއި ދެވަނާގައި އޮތް ލިވަރޕޫލް ބައްދަލުކުރި މެޗު 2-2 ގެ ނަތީޖާއަކުން އެއްވަރުވެއްޖެއެވެ. ލަންޑަނުގެ އެމިރޭޓްސް ސްޓޭޑިއަމް ގައި ކުޅުނު މިމެޗަށް އާރސެނަލް ކުރިމަތިލިއިރު އެޓީމުގެ މުހިންމު ކުޅުންތެރިންކަމަށްވާ ކަލަފިއޯރީ އަދި މާޓިން އޮޑެގާޑް އަނިޔާގެ ސަބަބުން ޓީމު ލިސްޓުގައި ހިމެނިފައި ނުވެއެވެ. އަދި ވިލިއަމް ސަލީބާ ހުރީ ރަތް ކާޑުގެ ސަބަބުން ސަސްޕެންޝަނުގައެވެ.
މެޗު ފަށައިގެން ނުވަވަނަ މިނެޓުގައި އިންގްލެންޑުގެ އުއްމީދީ ފޯވާޑް ސަކާ ވަނީ އާރސެނަލް އަށް ލީޑު ނަގައިދީފައެވެ. އެހެންނަމަވެސް އޭގެ 10 މިނެޓުފަހުން ލިބުނު ކޯނަރަކުން ލިވަރޕޫލްގެ ވެންޑައިކް ވަނީ ގޯލެއްޖަހާ ނަތީޖާ ހަމަހަމަ ކޮށްދީފައެވެ. މި ސީޒަނުގައި ސެޓްޕީސްތަކުން ގިނަ ގޯލް ތަކެއް ޖަހާފައިވާ އާރސެނަލުން ދެވަނަ ގޯލް ޖެހީވެސް ލިބުނު ހިލޭ ޖެހުމަކުންނެވެ. މިގޯލް އެޓީމަށް ކާމިޔާބުކޮށްދިނީ މި ސީޒަނުގައި އެޓީމަށްގެނައި ސްޕެއިންގެ މިޑްފީލްޑަރ މިކޭލް މެރީނޯއެވެ. މެޗު ނިމެންދަނިކޮށް 81 ވަނަ މިނެޓުގައި ލިވަރޕޫލުގެ ގޯލް ޖަހާ އެޓީމަށް މުހިންމު ޕޮއިންޓެއް ހޯދައިދީފައިވަނީ މެޗުގައި މޮޅުކުޅުމެއް ދެއްކި މުޙައްމަދު ސަލާޙުއެވެ. މި ގޯލާއެކު ސާލާޙު ވަނީ މި ސީޒަންގައި މިހާތަނަށް ކުޅެވުނު މެޗުތަކުން 8 ގޯލް ޖަހާ 7 އެސިސްޓް ކޮށްދީފައެވެ.
މި މެޗަށް ދެޓީމު ކުރިމަތިލިއިރު މި ދެޓީމުވަނީ މި ސީޒަންގައި ރަނގަޅު ނަތީޖާތަކެއް ނެރެމުންނެވެ. މި ސީޒަނުގައި ގަޑިއޯލާގެ ސިޓީއާ އެންމެ ވާދަކުރާނެކަމަށް ބެލެވޭ މި ދެޓީމު މި ސީޒަންގައި ލީގުގައި ބަލިވެފައިވަނީ އެންމެ މެޗަކުންނެވެ. މި މެޗުން ލިބުނު އެއް ޕޮއިންޓާއެކު ލިވަރޕޫލާއި އާރސެނަލްއިން ވަނީ ޕޮއިންޓު ތާވަލުގެ 2 ވަނަ އަދި 3 ވަނައިގައި ހިފަހަށްޓާލާފައެވެ.
އިތުރު ލިޔުންތައް

ގޯލު ފުންޏެއް ޖަހައި ބާސާގެ ސަޕޯޓަރުންނަށް އުފާވެރިކަން
7 މަސް ކުރިން
ޔޫތް ސާފް ޗެމްޕިއަންޝިޕްގައި ރާއްޖެ ކުރިމަތިލާނީ ވަރުގަދަ ދެ ޓީމާ
7 މަސް ކުރިން
55 އަހަރު ފަހުން ފޮރެސްޓަށް، އެންފީލްޑްގައި ލިވަޕޫލް ބަލިކުރެވިއްޖެ
7 މަސް ކުރިން