މި އަހަރުގެ ޖެނުއަރީމަހުން ފެށިގެން ނޮވެމްބަރުގެ ނިޔަލަށް އެކްސްޕޯޓުކުރި މުދަލުގެ އަގު މިދިޔަ އަހަަރުގެ މި މުއްދަތާ އަޅާބަލާއިރު 7.7 އިންސައްތަ ދަށަށް ހިނގައްޖެއެވެ.

މަރުކަޒީ ބޭންކް -އެމްއެމްއޭގެ ތަފާސްހިސާބުތައް ދައްކާ ގޮތުން މި އަހަރުގެ ޖެނުއަރީ އިން ނޮވެމްބަރުގެ ނިޔަލަށް ރާއްޖެއިން 309.4 މިލިއަން ޑޮލަރުގެ މުދާ އެކްސްޕޯޓްކޮށްފައިވެއެވެ.ރާއްޖެއިން އެންމެ ގިނައިން އެކްސްޕޯޓް ކުރާ މަހުގެ އުފެއްދުންތަކުގެ ތެރެއިން މިއަހަރުގެ ނޮވެމްބަރުގެ ނިޔަލަށް އެކްސްޕޯޓްކޮށްފައިވާ ކަނޑުމަހުގެ އުފެއްދުންތަކުގެ އަގަކީ 68.7 މިލިއަން ޑޮލަރެވެ.

މިދިޔަ އަހަރުގެ މި މުއްދަތުގައި 123 މިލިއަން ޑޮލަރުގެ ކަނޑުމަހުގެ އުފެއްދުންތައް އެކްސްޕޯޓްކޮށްފައިވާކަމަށް ހިސާބުތަކުން ދައްކައެވެ.