ޒުވާޏުްނަށް ދޭން ބޭނުންވާ އެންމެ ބޮޑު ޔަގީންކަމަކީ ވީރާނާވެފައިވާ ހުރިހާ ދަނޑުތަކެއް ދާދި އަވަހަށް މި ސަރުކާރުން ނިންމައިދޭނެ ކަމުގެ ޔަގީންކަން ކަމުގައި ރައީސުލްޖުމްހޫރިއްޔާގެ ނައިބް ހުސައިން މުހައްމަދު ލަތީފް ވިދާޅު ވެއްޖެއެވެ.

ނައިބް ރައީސް މިފަދައިން ވިދާޅުވީ އިއްޔެ އއ.އުކުޅަހު ފުޓުބޯޅަ ދަނޑު ހުޅުވުމުގެ ގޮތުން ބޭއްވި ރަސްމިއްޔާތުގައި ވާހަކަފުޅު ދައްކަވަމުންނެވެ.

"ޒުވާނުން ބޭނުންވާ ކަންކަން އެއްވެސް ހިނދުކޮޅަކަށްވެސް ހުއްޓާލައިގެން ނުވާނެ، އަޑު އުފުލަން ޖެހޭނެ، ޒުވާނުންގެ ފަރާތުން އެދޭ އެދުމަކީ ޒުވާޏުން ބޭނުންވާ ކަންކަމަށް އެދޭށޭ، ޒުވާނުން އަޑުއުފުލަ ދޭށޭ، އެއީއޭ ޒުވާނުން ޒުވާޏުންގެ ގޮތުގައި އަޅުގަނޑުމެން ބަލަިގަންނަ ގޮތަކީ. އެއީ ގައުމުގެ ހަކަތަ،" - ރައީސުލްޖުމްހޫރިއްޔާގެ ނައިބް ހުސައިން މުހައްމަދު ލަތީފް

ނައީބް ރައީސް ވިދާޅުވީ އުކުޅަހަށް ބޭނުންވެފައިވާ އިތުރު ކަންކަމާއި ޒުވާނުންނަށް ބޭނުންވާ ކަންކަމަކީ ވެސް ޕްލޭން ކުރެވިގެން ކުރިޔަށް ގެންދާނެ ކަންކަން ކަމުގައެވެ. އަދި މުޅި ރަށުގެ އެންމެހާ ރައްޔިތުންނަށް ލިބިދޭ ހިންހަމަޖެހުމަކީ ރައިސުލްޖުމްހޫރިއްޔާ ޑރ. މުހައްމަދު މުއިއްޒު އެންމެ ބޮޑަށް އެދިވަޑައިންކގަންނަވާ ކަން ކަމަށް ނައިބް ރައީސް ފާހަގަކުރެއްވިއެވެ.

"އެއްވެސް ސަރުކާރަުން ފެއްޓެވި މަޝްރޫއެއް ކަމުގައި ވީ ނަމަވެސް އެ މަޝްރޫއަށް މި ސަރުކާރުން އިހްތިރާމް ކުރާނެ ކަމަށާއި އެއައްވުރެ ބާރު ސްޕީޑުގައި އެ ކަންކަން ކުރިއަށް ގެންދަވާނެ މަގު ހޯދައިގެން އެއަށް ފައިސާ ހޯއްދަވައިގެން އކަން ރައްޔިތުންގެ ހައްގުގައި ނިންމަވައިދެއްވާނެ ވާހަކަ މި ސަރުކާރުގެ މެނިފެސްޓޯގައި ވަރަށް ސަރީހަ ބަހުން ރައީސް ވިދާޅުވެވަޑައިގެންފައި ވާނެ،" - ރައީސުލްޖުމްހޫރިއްޔާގެ ނައިބް ހުސައިން މުހައްމަދު ލަތީފް