ސްޕެނިޝް ލަލީގާގައި ބާސެލޯނާ އާއި ރެއާލް ބެޓިސް ކުޅުނު މެޗުން ތިން ޕޮއިންޓު ނުނެގި ތާވަލުގެ އެއްވަނައިގައި ހަމަޖެހިލަން ބާސެލޯނާއަށް ލިބުނު ފުރުސަތު ގެއްލުވާލައިފިއެވެ. މި މެޗު ނިމުނީ 2-2 އިން އެއްވަރުވެގެންނެވެ.

ރެއާލް ބެޓިސްގެ ދަނޑުގައި ކުޅެވުނު މިމެޗުގައި ފުރަތަމަ ހާފުގައި ގޯލުޖަހައި ލީޑުނެގީ ބާސެލޯނާއިންނެވެ. އެއީ މެޗުގެ 39 ވަނަ މިނެޓުގައި ލެވަންޑޮވްސްކީ ޖެހި ގޯލެކެވެ. މި ގޯލާއެކު ލެވަންޑޮވްސްކީ ވަނީ ލީގުގައި މިނާތަނަށް 16 ގޯލު ޖަހައި ގޯލުޗާޓުގެ އެއްވަނައިގައި ހަމަޖެހިލާފައެވެ. ދެވަނަ ހާފުގެ 68 ވަނަ މިނެޓުގައި ބެޓިސްއަށް ލިބުނު ޕެނަލްޓީއަކުން ލޮސެލްސޯ ނަތީޖާ ހަމަކޮށްދިންއިރު، މެޗުގެ 82 ވަނަ މިނެޓުގައި ލަމީން ޔަމާލްގެ ރީތި ޓްރިވޭލާ ޕާހަކުން ފެރާން ވަނީ ބާސެލޯނާއަށް 3 ޕޮއިންޓްގެ ވަސް ދައްކާލާފައެވެ. ނަމަވެސް މެޗުގެ އިތުރު ވަޤުތުގައި ޑިއާއޯ ވަނީ އިތުރު ގޯލެއްޖަހައި ބާސެލޯނާގެ 3 ޕޮއިންޓުގެ އުއްމީދު ފެނަށް ދުއްވާލާފައެވެ.

ރޭގެ ބައްޔާއެކު ބާސެލޯނާއިން ލީގުގައި އެންމެ ފަހުން ކުޅުނު 5 މެޗުން ލިބުނީ އެންމެ 5 ޕޮއިންޓެވެ. ރޭގެ މެޗުގައި ބާސެލޯނާއަށް 3 ޕޮއިންޓް ނުލިބުނަސް، އެ ޓީމުގެ ޑެނި އޮލްމޯ ވަނީ މެޗުގެ ތެރެއިން އޭނާގެ ވެއްޓުނު ދަތް ވިނަގަނޑުގެ ތެރެއިން ހޯދާ ރެފްރީއަށް ދަށްކާލާފައެވެ.