ހުޅުމާލޭގެ ޓްރެފިކަށް ހުރަސް އެޅި އިތުރު ޓެކްސީ ޑްރައިވަރެއް ފުލުހުން ހައްޔަރުކޮށްފިއެވެ.

ފުލުހުން މިއަދު ބުނީ، ޓެކްސީތަކުން މިދިޔަ ބުދަ ދުވަހު ހުޅުމާލޭގައި ކުރިއަށްގެންދިޔަ މުޒާހަރާގައި އާންމު ދަތުރުފަތުރަށް ހުރަސް އަޅައި، މަގު ބްލޮކް ކޮށް، ފުލިހުންގެ ދައުރު އަދާކުރުމަށް ހުރަސް އެޅި މައްސަލައާ ގުޅިގެން، މއ. ނަހީދީ މަންޒިލް، އުމުރުން 31 އަހަރުގެ މިސްބާހު ޝަރީފް ކޯޓު އަމުރެއްގެ ދަށުން ހައްޔަރުކޮށްފައިވާ ކަމަށެވެ.

Ad by Hajj Corporation

އެ މައްސަލައާ ގުޅިގެން މިދިޔަ ބުރާސްފަތި ދުވަހު ވެސް ފުލުހުން ވަނީ ތިން މީހަކު ހައްޔަރުކޮށް، 22 އުޅަނދު ޓޯވް ކޮށްފައެވެ. އެގޮތުން އެ ފަހަރު ހައްޔަރުުކުރި ތިން މީހުންގެ ތެރެއިން ދެ މީހެއްގެ ބަންދު ފަސް ދުވަހަށް ޖަހައި، އެކަކު ވަނީ ޝަރުތުތަކަކާ އެކީ ދޫކޮށްލާފައެވެ.

އެ މީހުން ހައްޔަރު ކުރީ، ބުދަ ދުވަހުގެ ރޭ ހުޅުމާލެ ފަރާތުން ހަލި މަގަށް އަރަން އޮންނަ މަގު ބަންދުކޮށް، އެ މަގުން އާންމު ދަތުރުފަތުރުތަކަށް ދަތުރުނުކުރެވޭ ގޮތަށް ކާރު ޕާކުކޮށް މުޒާހަރާ ކުރުމާ ގުޅިގެންނެވެ. އެކަމުގެ ސަބަބުން ހަލި މަގަށް އަރަން އޮންނަ ނިރޮޅު މަގުގެ ޓްރެފިކް ވަރަށް ބޮޑުވިއެވެ.