އިނގިރޭސި ޕްރީމިއަރ ލީގުގައި އާރސެނަލް ރޭގައި އެވަރޓަން އަތުން އެއްވަރުވިއިރު، ލިވަރޕޫލް ފުލަމް އަތުން އެއްވަރުވެއްޖެއެވެ. އާރސެނަލް މެޗު ނިމުނީ 0-0 ންނެވެ. އަދި ލިވަރޕޫލު މެޗު ނިމުނީ 2-2 ންނެވެ.

އާރސެނަލް މެޗުގައި އެޓީމުގެ ފަރާތުން މޮޅަށްކުޅެ ގިނަ ހަމަލާތަކެއް ފޮނުވާލިނަމަވެސް އެބޯޅަތައް ހުއްޓުވުމުގައި މެދުވެރިޔަކަށްވީ ފޯމުގައި ހުރި އިނގިރޭސި ގައުމީ ޓީމުގެ އެއްވަނަ ގޯލުކީޕަރު ޕިކްފޯޑެވެ.

ރޭގެ މެޗުން އެއްވަރުވުމާއެކު އާރސެނަލް އޮތީ 30 ޕޮއިންޓާއެކު ތާވަލުގެ 3 ވަނައިގައެވެ.

ރޭގައި ކުޅުނު ލިވަރޕޫލް މެޗަށްބަލާއިރު އަމިއްލަ ދަނޑުގައި ކުޅުނު މިމެޗުގެ 11 ވަނަ މިނެޓުގައި ޔުނައިޓެޑުގެ ކުރީގެ ކުޅުންތެރިޔާ އަނދްރޭސް ޕެރޭރާ ވަނީ ފުލަމް އަށް ލީޑު ނަގާދިފައެވެ. އަދި މެޗުގެ 17 ވަނަ މިނެޓުގައި ލިވަރޕޫލުގެ ޑިފެންޑަރ ރޮބާރޓްސަން ކުރިފައުލަކާއި ގުޅިގެން އޭނާއަށްވަނީ ރަތްކާޑު ދައްކައި ދަނޑުން ފޮނުވާލާފައެވެ.

10 ކުޅުންތެރންނާއެކު މެޗުގެ ބޮޑުބައެއް ކުޅުނު ލިވަރޕޫލްއިން ވަނީ ކުޅުން ރަނގަޅުކޮށް ގިނަހަމަލާތަކެއް ފުލަމްގެ ގޯލާއި އަމާޒުކޮށް ފޮނުވާލާފައެވެ. އެގޮތުން ލިވަރޕޫލުގެ ފުރަތަމަ ގޯލު ކާމިޔާބުކުރީ މެޗުގެ ދެވަނަ ހާފު ފެށިތާ އިތުކޮޅެއްގެ ތެރޭގައި ކޯޑީ ގަކްޕޯއެވެ. އަދި މެޗުގެ 78 ވަނަމިނެޓުގައި ރޮޑްރީގޯ މުނީޒް ވަނީ ފުލަމް އަށް ދެވަނަފަހަރަށް ލީޑުނަގާދީފައެވެ. ލިވަރޕޫލުގެ ފަހުގޯލަކީ ދެވަނަ ހާފުގައި ކުލެން ނިކުތް ޖޯޓާ 78 ވަނަ މިނެޓުގައި ޖަހައިދިން ގޯލެކެވެ.

ރޭގެ މެޗުން އެއްވަރުވުމާއެކު ތާވަލުގެ ދެވަނައިގައި އޮތް ޗެލްސީއާއި ފަރަގު 7 ޕޮއިންޓަށް ބޮޑުކުރުމަށް ލިބުނު ފުރުސަތު ލިވަރޕޫލަށް ވަނީ ގެއްލިފައެވެ.