އިނގިރޭސި ޕްރީމިއަރ ލީގުގައި މެންޗެސްޓަރ ޑާރބީގައި މެންޗެސްޓަރ ސިޓީ ފަހު ގަޑީގައި ބަލިކޮށް މެންޗެސްޓަރ ޔުނައިޓެޑުން އިން ފެންވަރު ދައްކާލައިފިއެވެ. ސިޓީގެ އަމިއްލަ ދަނޑުގައު ކުޅުނު މިމެޗު ޔުނައިޓެޑުން ކާމިޔާބުކުރީ 2-1 ންނެވެ.

މިމެޗުގައި ގޯލުޖަހައި ފުރަތަމަ ލީޑު ނެގީވެސް ސިޓީއިންނެވެ. މިއީ މެޗުގެ 36 ވަނަމިނެޓުގައި ޑިބްރޭން ގެ ހުރަހަކުން ޑިފެންޑަރ ވާރޑިއޯލް ޖެހި ގޯލެކެވެ. މިމެޗުގައި ސިޓީގެ ފަރާތުން މާގިނަ ހަމަލާތަކެއް ފޮނުވާލެވިފައެއް ނުވެއެވެ. އެގޮތުން މެޗުގެ 90 މިނެޓުވަންދެން ހާލަންޑަށް އޮތީ ހެރީ މެގުއަރ ގެ މުށުތެރޭގައެވެ.

މެޗުގެ ނަތީޖާ ހަމަކޮށްދިނީ، 88 ވަނަމިނެޓުގައި ޔުނައިޓެޑަށް ލިބުނު ޕެނަލްޓީއަކުން ބްރޫނޯ ފެނާންޑޭޒްއެވެ. މިއީ ސިޓީގެ ނޫނޭޒް، ޔުނައިޓެޑުގެ އަމަދު ޑިއާލޯ އަށް ކުރިފައުލަކާއި ގުޅިގެން ލިބުނު ޕެނަލްޓީއެކެވެ. މެޗުގެ ފަހުގޯލު ކާމިޔާބުކޮށްދިނީ މެޗުގެ 92 ވަނަމިނެޓުގައި އަމަދު ޑިއާލޯއެވެ. ފަހަކަށް އައިސް ފޯމުގައިހުރި ޑިއާލޯގެ ފަރާތުން ވަނީ ރޭގައި މޮޅުކުޅުމެއް ފެނިގެންގޮސްފައެވެ.

ރޭގެ ބައްޔާއެކު ގާޑިއޯލާގެ ސިޓީ އަމޮރިމް އަތުން މި ސީޒަނުގައި ދެވަނަފަހަރަށް ބަލިވީއެވެ. އަދި އެންމެ ފަހުން ސިޓީ އާއި ދެކޮޅަށް ކުޅުނު 3 މެޗުންވެސް ޔުނައިޓެޑު 90 މިނެޓުގައި ބަލިވެފައި ނުވާއިރު، 2 މެޗުން ޔުނައިޓެޑުވަނީ މޮޅުވެފައެވެ. މެންޗެސްޓަރ ސިޓީ އެންމެފަހުން ކުޅުނު 11 މެޗުން މޮޅުވީ އެންމެ މެޗަކުންނެވެ. އަދި ރޭގެ ބައްޔާއެކު ސިޓީވަނީ ލީގު ތާވަލުގެ 5 ވަނައިގައެވެ.