ފީފާއިން ހޮވާ 2024 ވަނަ އަހަރުގެ ދުނިޔޭގެ އެންމެ މޮޅު ފުޓްބޯޅަ ކުޅުންތެރިޔާގެ މަޤާމަށް ރެއާލް މެޑްރިޑްގެ ބްރެޒިލްގެ ފޯވާޑް ވިނީޝިއަސް ޖޫނިއަރ ހޮވައިފިއެވެ. ޤަތަރުގެ އެސްޕަޔަރ އެކަޑަމީގައި ކުރިޔަށްދިޔަ އެޥޯޑް ހަފްލާގައި ވިނީޝިއަސް އަށް މި އެވޯޑް ލިބިފައިވަނީ ރޮޑްރީ އާއި ބެލިންގްހަމް އާއި ވާދަކޮށެވެ.

މީގެ އިތުރުން މި ހަފްލާގައި ފީފާއިން ވަނީ ގިނަ އެވޯޑްތަކެއް ދީފައެވެ. އެގޮތުން މިދިޔަ އަހަރުގެ އެންމެ ރީތި ގޯލް (ޕުސްކަސް އެވޯޑް) ލިބިފައިވަނީ މެންޗެސްޓަރ ޔުނައިޓެޑުގެ ފޯވާޑް ގަނަޗޯއަށެވެ. މި އެވޯޑް ހަފްލާގައި މިދިޔަ އަހަރުގެ އެންމެ މޮޅު 11 ކުޅުންތެރިން ވަނީ ހޮވާފައެވެ. މި އެވޯޑް ލިބިފައިވާ ފަރާތްތަކަކީ:

އެންމެ މޮޅު ކީޕަރ: އެމީލިއާނޯ މާރޓީނޭޒް (އެސްޓަންވިލާ | އާރޖެންޓީނާ)

އެންމެ މޮޅު ޑިފެންޑަރުން: ޑެނީ ކަރަވަޚާލް (ރެއާލް މެޑްރިޑް | ސްޕެއިން)، އެންޓޯނިއޯ ރޫޑިގާ (ރެއާލް މެޑްރިޑް | ޖަރުމަން)، ވިލިއަމް ސަލީބާ (އާރސެނަލް | ފްރާންސް) އަދި ރޫބެން ޑިއާޒް (މެންޗެސްޓަރ ސިޓީ | ޕޯޗުގަލް)

އެންމެ މޮޅު މިޑްފީލްޑަރުން: ޖޫޑް ބެލިންގްހަމް (ރެއާލް މެޑްރިޑް | އިންގްލަންޑް)، ޓޮނީ ކްރޫސް (ރެއާލް މެޑްރިޑް | ޖަރުމަން) އަދި ރޮޑްރީ (މެންޗެސްޓަރ ސިޓީ | ސްޕެއިން)

އެންމެ މޮޅު ފޯވާޑުން: ވިނީޝިއަސް ޖޫނިއަރ (ރެއާލް މެޑްރިޑް | ބްރެޒިލް)، ލަމީން ޔަމާލް (ބާސެލޯނާ | ސްޕެއިން) އަދި ހާލަންޑް (މެންޗެސްޓަރ ސިޓީ | ނޯވޭ)

ފީފާގެ މިދިޔަ އަހަރުގެ އެންމެ މޮޅު ކޯޗަކަށް ހޮވިފައިވަނީ ރެއާލް މެޑްރިޑްގެ ކޯޗު ކަރލޯ އެންޗެލޯޓީއެވެ.