2025 ވަނަ އަހަރުގެ ފުޓްބޯޅަ ކަލަންޑަރުގައި އެފް.އޭމ.އެމް އިން ހިމަނާފައިވާ ތާރީޚަށް އާ ފުޓްބޯޅަ ސީޒަން ފަށާނެކަމުގެ ޔަޤީންކަމެއް ނެތުމުގެ ސަބަބުން މާޒިޔާގެ ޕްރެކްޓިސްތައް މެދުކަނޑާލައިފިއެވެ.

މީގެ ކުރިން އެފް.އޭ.އެމް އިން ހުށަހަޅާފައިއޮތީ އަންނަ އަހަރުގެ ޖަނަވަރީ މަހުގައި ފުޓްބޯޅަ ސީޒަން ފެށުމަށެވެ. އެކަމަކު ފުޓްބޯޅަ ސީޒަން އެތާރީޚައް ފައްޓާނެކަން ރަސްމީކޮށް އެފް.އޭ.އެމް އިން އަންގާފައިނުވެއެވެ.

އައު ސީޒަނާއި ދިމާކޮށް ޕްރެކްޓިސް ފެށައިގެން ކުރިޔަށްގެންޑާ ހަމައެކަނި ޓީމަކީ މާޒިޔާއެވެ. އެގިތުން ނޮވެންބަރު މަހުގެ ފަހުކޮޅުންފެށިގެން މާޒިޔާއިން އަންނަނީ އައު ސީޒަނަށް ތައްޔާރުވަމުންނެވެ.

ރާއްޖޭގެ ފުޓްބޯޅަ ސީޒަން މެދުކަނޑާލެވިފައިވާތަން މިހާރު އެއްއަހަރުވެއްޖެއެވެ. އެފް.އޭ.އެމް ގެ ތެރޭގައި ހުރި މައްސަލަތަކާއި އެހެނިހެން ކަންމާއި ގުޅިގެން ރާއްޖޭގެ ފުޓްބޯޅަ ވަނީ ވަރަށް ބޮޑަށް ހުއްޓިފައެވެ. އެގޮތުން މިކަމާއި ގުޅިގެން ފުރަތަމަ ޑިވިޝަނުގެ ގިނަ ކުލަބުތަކުން ކުޅުންތެރިންނަށް މުސާރަ ދިނުމުގެ މައްސަލަތަކާއިވެސް ކުރިމަތިވެފައިވެއެވެ.

މިކަންކަމާއި ގުޅިގެން ބޮޑު ފުޓުބޯޅަ ދިރުވުމަށް ސްޕޯރޓްސް މިނިސްޓްރީ އާއި ނައިންޓީ ޕްލަސްއިން ގުޅިގެން ގޯލްޑް ކަޕްގެ ނަމުގައި މުބާރާތެއްވެސް ދަނީ ބާއްވަމުންނެވެ. އަދި މި މުބާރާތުގައި ދިވެހިންގެ ހިތްތަކުގައި ފުޓްބޯޅަ އަށްދީފައިވާ ލޯބި ހާމަވެގެންދެއެވެ. އަދި މި މުބާރާތުގައި ފުރަތަމަ ޑިވިޝަނުގައި ވާދަކޮށްލެވޭ ފެންވަރުގެ ހުނަރުވެރި ގިނަ ފުޓުބޯޅަ ކުޅުންތެރިންތަކެއް ފެނިގެންގޮސްފައިވެއެވެ.