މިއަދު ހަވީރުގައި ކުޅެން ހަމަޖެހިފައިވާ 90 ޕްލަސް ގޯލްޑް ކަޕްގައި މާލެއާއި ދެކޮޅަށްކުޅޭ ސެމީފައިނަލް މެޗުގައި ސަޕޯޓްކުރުމަށް އޭދަފުށީގެ ގިނަ ސަޕޯޓަރުންތަކެއް މާލެ އައިސްފިއެވެ.

މިމެޗުގައި ސަޕޯޓުކުކުރުމަށް މާލެ ދިޔުމުގެ ފުރުސަތު ހުޅުވާލީ އޭދަފުށީގެ ކައުންސިލުންނެވެ. އެގޮތުން އޭދަފުށިން 250 އާއި ގާތްކުރާ އަދަދަކަށް ސަޕޯޓަރުން މާލެ އަންނާނެކަމަށް މެންދުރު ޓީމަށް އެނގިފައިވެއެވެ. އަދި މީގެ އިތުރުންވެސް ގިނަބަޔަކު ސަޕޯޓުކުރުމަށް ދިޔުމަށް އެދިފައިވެއެވެ. އެކަމަކު މޫސުން ތަންނުދޭތީ އެހުރިހާ ސަޕޯޓަރުން ގެންދިޔުމުގެ އިންތިޒާމް ހަމަނުޖެއްސިފައި ނުވާކަމަށް މިނޫހަށް މަޢުލޫމާތު ލިބިފައިވެއެވެ.

މި މުބާރާތުގައި އޭދަފުށީގެ ސަޕޯޓަރުންގެ ފަރާތުން މިހާތަނަށް ވަރަށް ފޯރިއާއި ޖޯޝާއެކު ސަޕޯޓުކުރުން ފެނިގެން ގޮސްފައިވެއެވެ.

މި މުބާރާތުގެ ސެމީ ފައިނަލަށް އޭދަފުށި ދަތުރުކުރީ ކުއާޓަރ ފައިނަލުގައި ނައިފަރު 5-0 އިން ބަލިކޮށްގެންނެވެ. އަދި މާލެ ސިތީ ފައިނަލަށް ދަތުރުކުރީ ގުރައިދޫ އާދެކޮޅަށް ކުޅެ، ޕެނަލްޓީގައި ކުރިހޯދައިގެންނެވެ.