ވިޔަފާރި ކުންފުނިތަކަށް ޚާއްސަކޮށްގެން ދެކުނު އޭޝިއާގެ ސަރަހައްދުގައި ދެމުން އަންނަ އެންމެ ޝަރަފްވެރި އެއް އެވޯޑް ކަމަށްވާ "ސައުތު އޭޝިއަން ބިޒަންސް އެކްސެލެންސް އެވޯޑް 2024" ގެ މުހިންމު ދެ އެވޯޑެއް މޯލްޑިވްސް ޕޯރޓްސް ލިމިޓެޑް، އެމްޕީއެލްއަށް ލިބިއްޖެއެވެ.

އިންޑިއާގެ ނިއު ދިއްލީގައި މި މަހުގެ 20 ވަނަ ދުވަހު އޮތް ސައުތު އޭޝިއަން ބިޒްނަސް އެކްސެލަންސް އެވޯޑްސް ދިނުމުގެ ހަފުލާގައި އެމްޕީއެލްއަށް ލިބުނީ "އިނޮވޭޓިވް ލާރނިންގ އެންޑް އޯގަނައިޒޭޝަނަލް ޑިވެލޮޕްމަންޓް ޕްރެކްޓިސް" އެވޯޑާ އި "އިނޮވޭޓިވް ބިޒްނަސް ޓްރާންސްފޮމޭޝަން" އެވޯޑެވެ. މިގޮތުން " އިނޮވޭޓިވް ބިޒްނަސް ޓްރާންސްފޮމޭޝަން" އެވޯޑަކީ އެމްޕީއެލްގެ ތާރީޙުގައި ފުރަތަމަ ފަހަރަށް ކުންފުންޏަށް ލިބިފައިވާ އެވޯޑެކެވެ. ދެކުނު އޭޝިއާގެ ވިޔަފާރި ކުންފުނިތަކަށް އަމާޒުކޮށްގެން ކުރިއަށްގެންދިޔަ މި އެވޯޑް ހަފްލާ ގައި އެމްޕީއެލްއަށް ދެ އެވޯޑް ވެސް ލިބުނީ ދެކުނު އޭޝިއާ ސަރަހައްދުގެ ހަތް ޤައުމަކަށް ނިސްބަތްވާ ކުންފުނިތަކާއި ވާދަކޮށްގެނެވެ.

މިއީ ދެކުނު އޭޝިއާގެ ވާދަވެރިކަން ބޮޑު ވިޔަފާރީގެ މާކެޓެއްގައި ވިޔަފާރި ފުޅާކުރުމާއ،ި ތަރައްޤީކުރުމާއި ޒަމާނީކުރުމަށް ކުންފުނިތަކުން ކުރަމުންދާ މަސައްކަތްތައް ފާހަގަކޮށް އެކި ދާއިރާތަކުގެ ތަޖުރިބާކާރުން ހިމެނޭ ފަނޑިޔާރުންގެ ޕެނަލްއަކުން ކުންފުނިތަކުގެ ޕާފޯމަންސް އިވެލުއޭޓް ކުރުމަށްފަހު ދޭ އެވޯޑްތަކެކެވެ. އެގޮތުން ތަފާތު 17 ދާއިރާއަކުން އެންމެ ކުރިއަރަމުން އަންނަ ފަރާތްތަށް ފާހަގަކޮށް އެވޯޑްތައް ދީފައިވެއެވެ. އެމްޕީއެލްއަށް އިނޮވޭޓިވް ލާރނިންގ އެންޑް އޯގަނައިޒޭޝަނަލް ޑިވެލޮޕްމަންޓް އެވޯޑް ލިބުނީ މުވައްޒަފުންނަށް ތަޢުލީމާއި ތަމްރީނުތައް ދިނުމަށް ކުރަމުންދާ ތަފާތު ގިނަގުނަ މަސައްކަތް ތަކަށްޓަކައެވެ. އެ ގޮތުން މުވައްޒަފުންނަށް ތަޢުލީމާއި ތަމްރީނުގެ ފުރުސަތުތައް ތަނަވަސްކުރުމަށް އެމްޕީއެލްގެ ލާރނިންގ އެންޑް ޑިވެލޮޕްމަންޓް ޑިޕާޓްމަންޓް މެދުވެރިކޮށް ކޮންމެ އަހަރަކުވެސް ގިނަ ކޯސްތަކާއި ތަމްރީނުތައް ހިން ގުމާއި އަދި އެޕްރެންޓިސް ޕްރޮގްރާމްތަކާއި އިންޓާރންޝިޕް ޕްރޮގްރާމްތައްވެސް ހިންގަމުން އާދެއެވެ.

މީގެ އިތުރުން މި އަހަރުގެ ކުރީކޮޅު މޯލްޑިވްސް މެރިޓައިމް ކޮންފަރެންސް އެއް ވަނީ ބާއްވާފައެވެ. މިއީ މެރިޓައިމް ދާއިރާގެ ބައިނަލްއަޤްވާމީ ކޮންފަރެންސްއެއް ރާއްޖޭގައި ބޭއްވި ފުރަތަމަ ފަހަރެވެ. ހަމައެއާއެކު ޔޫއެން ޓްރޭޑް އެންޑް ޑިވެލޮޕްމަންޓާއި ގުޅިގެން އެމްޕީއެލްއިން ވަނީ މޮޑާރން ޕޯޓް މެނޭޖްމަންޓް ކޯހެއްވެސް މި އަހަރުގެ ތެރޭގައިފަށާފައެވެ. އެމ.ްޕ.ީއެލް އިން އަންނަނީ ވިޔަފާރި ފުޅާކޮށް އާ ޚިދުމަތްތައް ފޯރުކޮށްދިނުމަށް ގިނަގުން މަސައްކަތްތައް ކުރަމުންނެވެ. އެގޮތުން " އިނޮވޭޓިވް ބިޒްނަސް ޓްރާންސްފޮމޭޝަން" އެވޯޑް އެމްޕީއެލް އަށް ލިބުނީ ފާއިތުވި އަހަރެއްހާ ދުވަހުގެ ތެރޭގައި ވިޔަފާރި ފުޅާކުރުމާއި އާމްދަނީ އިތުރުކުރުމަށް ކުންފުނިން ކޮށްފައިވާ ގިނަ މަސައްކަތްތަ އް ފާހަގަކުރުމުގެ ގޮތުންނެ ވެ.

އޭގެ ތެރޭގައި ރާއްޖޭގައި މުޅިން އާ ދާއިރާއެއްގެ ގޮތުގައި ސ-ީޓ-ުއެއަރ ކަރގޯގެ ޚިދުމަތް ފެށުމާއި އުތުރު މެރިޓައިމް ސަރވިސަސް ގެ ޚިދުމަތް ތަޢާރަފްކުރުން ހިމެނެއެވެ. މި އެވޯޑަކީ ސައުތު އޭޝިއަން ބިޒްނަސް އެކްސެލަންސް އެވޯޑްސްގެ "ސްޕެޝަލް ކެޓަގަރީ"ގެ ތެރޭގައި ހިމެނޭ އެވޯޑެކެވެ.