ހައުސިން ޑެވެލޮޕްމަންޓް ކޯޕަރޭޝަން (އެޗްޑީސީ)ގެ ޑިޕާޓްމެންޓަކުން ފަސް ލެޕްޓޮޕް ވަގަށް ނެގި މައްސަލައެއް މިއަދު ފެންމަތިވެއްޖެއެވެ.

ފުލުހުން މައުލޫމާތު ދިން ގޮތުގައި، އެ ލެޕްޓޮޕްތަކުގެ މައްސަލަ އެޗްޑީސީން ފުލުހަށް ހުށަހެޅި، ފަރުކޮޅުފުށީގައި ހުންނަ އެޗްޑީސީގެ ޕްރޮޖެކްޓް އޮފީހުން ފަސް ލެޕްޓޮޕެއް ގެއްލުނު މައްސަލައެއް ފެންމަތިވުމާ ގުޅިގެންނެވެ.

އެ މައްސަލައިގައި ތުހުމަތުކުރެވޭ ފަރާތް، މަސްތުވާތަކެތީގެ އިތުރު މައްސަލައެއްގައި މިހާރު ހުރީ ފުލުހުންގެ ބެލުމުގެ ދަށުގައި ކަމުގައި ވެސް ފުލުހުން ބުންޏެވެ. އެހެން ނަމަވެސް އަދި އެ ލެޕްޓޮޕްތައް ފެނިފައިނުވާ ކަމުގައި ވެސް ފުލުހުން ބުންޏެވެ.

އެ މައްސަލަ ފުލުހުން ގެންދަނީ ތަހުގީގުކުރަމުންނެވެ.