ދުބާއީ ސްޕޯރޓްސް ކައުންސިލުން ކޮންމެ އަހަރަކު ހޮވާ އަހަރުގެ މޮޅުކުޅުންތެރިޔާގެ މަޤާމު ވިނީޝިއުސް ޖޫނިއަރ އަށް ލިބިއްޖެއެވެ. ދުބާއީގައި ބޭއްވި ގޮލޯބަލް ސޮކަރ އެވޯރޑްސް ގައި މި އެވޯޑްގެ އިތުރުން ފުޓްބޯޅައިގެ ގިނަ އެވޯޑްތަކެއް ދީފައިވެއެވެ.

Ad by Hajj Corporation

މިއަހަރުގެ އެވޯޑް ހަފްލާގައި ގިނަ އެވޯޑްތަކެއް ހާސިލް ކޮށްފައިވަނީ ރެއާލް މެޑްރިޑުގެ ކުޅުންތެރިންނެވެ. އަހަރުގެ އެންމެ މޮޅުކުޅުންތެރިޔާގެ އެވޯޑާއި އަހަރުގެ އެންމެ މޮޅު ފޯވާޑް ގެ އެވޯޑް ލިބުނީ ވިނިޝިއުސް އަށެވެ. އަހަރުގެ އެންމެ މޮޅު މިޑްފީލްޑަރު ކަމާއި މަރަޑޯނާ އެވޯރޑްސް ލިބުނީ ޖޫޑް ބެލިންގްހަމް އަށެވެ. ބެސްޓް ރައީސްގެ އެވޯޑް ރެއާލް މެޑްރިޑްގެ ރައީސް ޕެރޭޒް އަށް ލިބުނުއިރު، އެންމެ މޮޅު ކޯޗަކަށް ހޮވިފައިވަނީ ރެއާލް މެޑްރިޑުގެ ކޯޗު އެންޗެލޯޓީއެވެ. ފުޓްބޯޅަ ކެރިއަރ އެވޯޑް ލިބުނީ ރެއާލް މެޑްރިޑުގެ ކީޕަރު ކޯޓުވާ އަށެވެ. އަދި އެންމެ މޮޅު ކުލަބަކަށް ހޮވުނީ ރެއާލް މެޑްރިޑެވެ.

އަހަރުގެ އެންމެ މޮޅު ޒުވާން ކުޅުންތެރިޔަކަށް ހޮވުނީ ބާސެލޯނާގެ ލަމީން ޔަމާލް އެވެ. ޕްލޭޔަރ ކެރިއަރ އެވޯޑް ކޯޓުއާ ގެ އިތުރުން ނޭމާ ޖޫނިއާރ އަދި ރިއޯ ފާޑިނަންޑް އަށް ލިބިފައިވެއެވެ. އަދި މެދުއިރުމަތީގެ އެންމެ މޮޅުކުޅުންތެރިޔާގެ އެވޯޑް ލިބުނީ ރޮނާލް ޑޯއަށެވެ.