ކުޑަކުއްޖަކާ ބެހުނު މީހަކު އުމުރަށް ޖަލަށް
މުހައްމަދު މޫސާ31 ޑިސެމްބަރު 2024 - 04:42
ކުޑަކުއްޖަކާ ބެހުނު މީހަކު އުމުރަށް ޖަލަށްލުމަށް ކްރިމިނަލް ކޯޓުން ހުކުމްކޮށްފިއެވެ.
އިތުބާރު ހުރި މަގާމެއްގައި ހުރެ މި ކުށްކުރިކަމަށް ދައުވާ އުފުލާފައި ވަނީ ނަސްރުﷲ ފާއިޒު ނަމަކަށް ކިޔާ މީހެއްގެ މައްޗަށެވެ.
އޭނާގެ މައްޗަށް ތިން ދައުވާއެއް އުފުލާފައިވާއިރު، އެ ދައުވާތަކަކީ، ދިވެހިރާއްޖޭގައި އޮރިޔާންކާޑު ގެންގުޅުމުގެ ކުށުގެ ދައުވާއާއި، ޖިންސީ ނިޔަތެއް އޮވެގެން ކުޑަކުއްޖެއްގެ ހަށިގަނޑުގައި އަތްލުމުގެ ކުށުގެ ދައުވާ އަދި ކުޑަކުއްޖަކު އިތުބާރުކުރަންޖެހޭ މަގާމެއްގައި ހުރި މީހަކު، އެ ކުޑަކުއްޖާއާއެކު ޖިންސީ އަމަލެއް ހިންގުމުގެ ކުށުގެ ދައުވާއެވެ.
މި މައްސަލާގައި އޭނާގެ މައްޗަށް ޖިންސީ ނިޔަތެއް އޮވެގެން ކުޑަކުއްޖެއްގެ ހަށިގަނޑުގައި އަތްލިކަން ސާބިތުވެ 10 އަހަރަށް ޖަލަށް ލުމަށް ކޯޓުން ހުކުމްކޮށްފައިވެއެވެ. އަދި ކުޑަކުއްޖަކު އިތުބާރުކުރަންޖެހޭ މަގާމެއްގައި ހުރި މީހަކު، އެ ކުޑަކުއްޖާއާއެކު ޖިންސީ އަމަލެއް ހިންގިކަން ސާބިތުވާތީ އޭނާ 15 އަހަރަށް ޖަލަށްލުމަށް ވެސް ކޯޓުން ވަނީ ހުކުމްކޮށްފައެވެ.
އެހެންނަމަވެސް އޭނާގެ މައްޗަށް ކުރެވޭ އޮރިޔާންކާޑު ގެންގުޅުމުގެ ދައުވާ ސާބިތުވެފައެއް ނުވެއެވެ. އެގޮތުން އެ ދައުވާ އެކަށީގެންވާ މިންވަރެއްގެ ޝައްކެއް ނެތި ޝަރީއަތަށް ސާބިތުނުވާ ކަމަށް ކްރިމިނަލް ކޯޓުގައި ހުކުމުގައިވެއެވެ.
މިއީ ކުޑަކުއްޖަކާ ގުޅުން ހުރި މައްސަލައަކަށް ވުމުން މި މައްސަލައިގެ އިތުރު ތަފުސީލެއް ކްރިމިނަލް ކޯޓަކުން ހާމައެއް ނުކުރެއެވެ.
އިތުރު ލިޔުންތައް
ކުޑަކުއްޖަކަށް ޖިންސީ ގޯނާކުރި މައްސަލައިގައި މީހަކު 12 އަހަރަށް ޖަލަށްލުމަށް ހުކުމްކޮށްފި
7 މަސް ކުރިން
ބޮކްސާ ތެރެއިން ޑްރަގް ފެނުނު މައްސަލައިގައި އުމުރު ދުވަހުގެ ޖަލު އަދަބެއް
6 މަސް ކުރިން
އިންޓަރޕޯލް ރެޑްނޯޓިސް ނެރެގެން ގެނައި އެކަކު ދޫވެއްޖެ
6 މަސް ކުރިން
ބޭންކުގެ މުވައްޒަފަކު ކަސްޓަމަރުންގެ އެކައުންޓްތަކުން ފައިސާ ނެގިކަން ސާބިތުވެއްޖެ
6 މަސް ކުރިންކޮމެންޓް
