ކުޑަކުއްޖަކާ މެދު ޖިންސީ އަމަލެއް ހިންގި މީހަކު 12 އަހަރަށް ޖަލަށްލާން ކުރިމިނަލް ކޯޓުން ހުކުމް ކޮށްފިއެވެ.

އެކުއްޖާއަށް ޖިންސީ ގޯނާކުރި މައްސަލައިގައި ދައުލަތުން ދައުވާ އުފުލާފައިވަނީ ރ. މާކުރަތު، އިމޭޖު، މުހައްމަދު ދާއޫދުގެ މައްޗަށެވެ.

Ad by Hajj Corporation

މުހައްމަދު ދާއޫދުގެ ފޯނުގައި އޮރިޔާން މަންޒަރު ހިމެނޭ ފޮޓޯއާ ވީޑިއޯ ގެންގުޅުނު ކަމަށް ބުނެ، އޭނާގެ މައްޗަށް ދައުލަތުން ވަނީ އޮރިޔާން ކާޑު ގެންގުޅުމުގެ ދައުވާވެސް އުފުލާފައެވެ. އެެހެން ނަމަވެސް އޭނާގެ މައްޗަށް އުފުލި އޮރިޔާންކާޑު ގެންގުޅުމުގެ ދައުވާ ސާބިތުވެފައި ނުވެއެވެ.

ކުޑަކުދިންނަށް ޖިންސީ ގޯނާ ކުރާ މީހުންނާމެދު އަމަލުކުރަމުންދަނީ ޚާއްސަ ގާނޫނެއްގެ ދަށުންނެވެ. އެހެން ނަމަވެސް މިމައްސަލައަކީ ކުޑަކުއްޖެއްގެ މައްސަލައެއް ކަމަށްވާތީ ކުރިމިނަލް ކޯޓުން މިމަކާ ގުޅޭ ޝަރީއަތް ނިމުނު ގޮތުގެ ރިޕޯޓެއް އާންމުކޮށްފައެއް ނުވެއެވެ.

ކުޑަ ކުއްޖެއްގެ ހަށިގަނޑުގައި ޖިންސީ ނިޔަތެއް އޮވެގެން ގަސްދުގައި އަތްލައިފި ނަމަ، އެ މީހަކު 10 އަހަރާއި 14 އަހަރާ ދެމެދުގެ ހުކުމެއް އަންނާނެއެވެ.