ބ. އޭދަފުށީގެ ބަތްޕެނާއި ލ. ގަމުގެ ގޮޅަ ރިހައިގެ ގަދަހިފުމަކަށް ތައްޔާރުވެއްޖެއެވެ. ގޯލްޑަން ފުޓްސަލް މުބާރާތުގެ ޝީލްޑް މެޗުގައި މިދިޔަ އަހަރުގެ ޗެންޕިއަން ޓީމުގެ ގޮތުގައި އޭދަފުށި ނިކުންނައިރު، ލ. ގަން ނިކުންނާނީ 2023 ވަނަ އަހަރުގެ ޗެންޕިއަން ޓީމުގެ ގޮތުގައެވެ.

ގޯލްޑަން ފުޓްސަލް މުބާރާތުގެ ފައިނަލުގައި މިދިޔަ އަހަރުގައި ބައްދަލުކުރީވެސް މިދެޓީމެވެ. އެގޮތުން ފައިނަލުގައި އޭދަފުށި ވަނީ 2-4 އިން ގަމުގެ މައްޗަށް ކުރިހޯދާފައެވެ. އެހެންކަމުން މިރޭގައި ގަމުން ނިކުންނާނީ އޭދަފުށީގެ ކިބައިން ބަދަލު ހިފުމަށްކަމަށް ބެލެވެއެވެ.

2023 ވަނަ އަހަރުގެ ގޯލްޑަން ފުޓްބޯޅަ މުބާރާތުގެ ޗެންޕިއަންކަން ހޯދުމަށްފަހު، މިދިޔަ އަހަރުގެ ޗެރިޓީ ޝީލްޑު ތިމަރަފުއްޓާއި ވާދަކޮށް ކާމިޔާބުކުރީ ލ. ގަމެވެ. އެހެންކަމުން މިމެޗުވާނީ ހުރިހާ ގޮތަކުންވެސް ފޯރިގަދަ މެޗަކަށެވެ. މި މެޗު ކުޅޭނީ މިރޭ 20:30 ގައި ރެހެންދި ފުޓްސަލް ގުރައުންޑް 1 ގައެވެ.

މިއީ މިމުބާރާތުގެ ޗެންޕިއަން ޓީމުތަކުގެ މެދުގައި ޝީލްޑް މެޗުކުޅޭ ތިންވަނަ ފަހަރެވެ. މީގެ ކުރިން ގާފަރުވެސް ވަނީ ތިމަރަފުށި ބަލިކޮށް ޝީލްޑް ކާމިޔާބުކޮށްފައެވެ.

129 ޓީމާއެކު މިއަހަރުގެ ގޯލްޑަން ފުޓްސަލް މުބާރާތް މިރޭ ފަށާއިރު، ޖުމްލަ 300 އަށްވުރެ ގިނަ މެޗުކުޅޭގޮތަށް ހަމަޖެހިފައިވެއެވެ. މިރޭގެ މުބާރާތުގެ ހުޅުވުމުގެ ރަސްމިޔާތުގައި ތަފާތު ގިނަހަރަކާރްތަކެއް ކުރިޔަށް ގެންދިޔުމަށް ހަމަޖެހިފައިވެއެވެ. މުބާރާތުގެ ހުރިހާ މެޗުތަކެއް ކުޅެން ހަމަޖެހިފައިވަނީ ހުޅުމާލޭގެ ރެހެންދި ފުޓްސަލް ދަނޑުގައެވެ.