އިންޑޮނޭޝިއާގެ ފުޓްބޯޅަ އެސޯސިއޭޝަނުން ވަނީ ނެދަލެންޑްސްގެ ކުރީގެ ތަރި ޕެޓްރިކް ކްލުއިވަރޓް އެ ޤައުމުގެ ޤައުމީ ފުޓްބޯޅަ ޓީމުގެ އައު ކޯޗަކަށް ޢައްޔަންކޮށްފައެވެ. މި ނިންމުން އިޢުލާންކުރެއްވީ އިންޑޮނޭޝިއާ ފުޓްބޯޅަ އެސޯސިއޭޝަނުންނެވެ.

48 އަހަރުގެ ކްލުއިވަރޓް ވަނީ 2 އަހަރުގެ މުއްދަތަށް އެއްބަސްވުމެއްގައި ސޮއިކޮށްފައެވެ. އަދި އިތުރު 2 އަހަރަށް މުއްދަތު އިތުރުކުރުމުގެ ފުރުޞަތުވެސް އޮވެއެވެ. ކްލުއިވަރޓް މި މަޤާމާ ޙަވާލުވަނީ ކުރީގެ ކޯޗު ޝިން ޓެ-ޔޮންގް ވަކިކުރުމަށްފަހުއެވެ.

ކްލުއިވަރޓް އިންޑޮނޭޝިއާއަށް ޒިޔާރަތްކުރައްވާނީ ޖެނުއަރީ 11 ވަނަ ދުވަހުއެވެ. އަދި ރަސްމީކޮށް ތަޢާރަފުކުރުމުގެރަފުކުރުމުގެ ރަސްމިއްޔާތު އޮންނާނީ ޖެނުއަރީ 12 ވަނަ ދުވަހުއެވެ. ކުރީގައި ބާސެލޯނާ އަދި ނިއުކާސްލް ޔުނައިޓެޑްގައި ކުޅެފައިވާ ކްލުއިވަރޓްގެ އެންމެ ފަހުގެ ކޯޗިންގ މަޤާމަކީ ތުރުކީގެ އަދަނާ ޑެމިރްސްޕޯގެ ކޯޗުކަމެވެ. އޭނާ އެ މަޤާމުގައި ހުންނެވީ 5 މަސް ދުވަހުއެވެ.

ނެދަލެންޑްސްގެ ޤައުމީ ޓީމަށް 79 މެޗު ކުޅެ 40 ލަނޑު ޖަހާފައިވާ ކްލުއިވަރޓްގެ އަމާޒަކީ އިންޑޮނޭޝިއާ ފުރަތަމަ ފަހަރަށް ވޯލްޑް ކަޕަށް ކޮލިފައިކުރުވުމެވެ. މިހާރު ފީފާ ރޭންކިން ގައި 127 ވަނައިގައިވާ އިންޑޮނޭޝިއާ ވަނީ 2026 ވަނަ އަހަރުގެ ވޯލްޑް ކަޕުގެ ކޮލިފައިންގ މެޗުތަކުގައި ރަނގަޅު ނަތީޖާތަކެއް ހޯފާދައެވެ. އެހެންކަމުން ކުލައިވެޓް ގެ މައިގަނޑު އަމާޒަކަށްވާނީ އިންޑޮނީޝިއާ ވޯލްޑް ކަޕަށް ކޮލިފައި ކުރުމެވެ.  މި ބަދަލާއެކު އެ ޤައުމުގެ ފުޓްބޯޅަ ލޯބިވެރިން އުއްމީދުކުރަނީ ތާރީޚީ ކާމިޔާބީއެއް ޙާޞިލުކުރެވޭނެ ކަމަށެވެ.