ހުޅުމާލޭ ސަހަރާގެ ބިމުއަޑިން ފެން ނުހިނދޭތީ މީހުން ވަޅުލުން މެދުކަނޑާލާފައިވާ ކަމަށް މާލެ ސިޓީ ކައުންސިލުން ބުނެފިއެވެ.

މާލޭ ސިޓީ ކައުންސިލުން އެކްސްގައި ކުރި ޕޯސްޓެއްގައި ބުނީ  ހުޅުމާލޭ ސަހަރާގައި މީހުން ވަޅުލުން މެދުކަނޑާލީ މާލެ ސަރަހައްދަށް ކުރި ވިއްސާރައާ ގުޅިގެން ސަހަރާގެ ފެންފަށަލައިގައި، 8 އިންޗި އާއި 9 އިންޗިއާއި ދެމެދު މިންވަރަކަށް، ފެން ހަރުލާފައި ހުރުމުގެ ސަބަބުން، ކަށްވަޅު ކޮނެ ސަންދޯއް ބެހެއްޓުމަށް ދަތިވެފައިވާތީއެވެ.

Ad by Hajj Corporation

އެހެންކަމުން މިއަދު ހުޅުމާލެ ސަހަރާގައި ވަޅުލަން ހަމަޖެހިފައިވާ މީހުންގެ ޖަނާޒާގެ އިންތިޒާމު މާލޭ އާސަހަރާ މިސްކިތުގައި ހަމަޖައްސާފައިވާ ކަމަށް އެ ޕޯސްޓުގައި ވަނީ ބުނެފައެވެ.

ހުޅުމާލޭ ސަހަރާގައި ފެން ބޮޑުވެ މީހުން ވަޅުލުމަށް ކުރިމަތިވާ ދަތިތަކަށް ހައްލު ހޯދުމަށް ޖެނުއަރީ މަހުގެ ތެރޭގައިވެސް މާލެ ސިޓީ ކައުންސިލުން މަސައްކަތްތަކެއް ކޮށްފައިވެއެވެ.