ހައްޖުގެ އަޅުކަން އަދާކުރުމަށް އެދި ހައްޖު ކިޔުގައި މިވަގުތު 9115 މީހުން އެބަތިބި ކަމަށާއި  އޭގެ ތެރޭގައި އުމުރުން 65 އަހަރުން މަތީގެ 1473 މީހުން ހިމެނޭކަމަށް ހައްޖު ކޯޕަރޭޝަނުން ބުނެފިއެވެ.

ދިވެހިރާއްޖެ އަށް ލިބެނީ އާންމުކޮށް 1000 އާއި 700 އާ ދެމެދުގެ އަދަދެކެވެ. މީގެ ތެރެއިން 50 ކޯޓާ ޚާއްސަ ކޮށްފައިވަނީ ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުގެ ރިޔާސީ ވަޢުދުތަކުގެ ތެރޭގައި ހިމެނޭ، ދަޢުލަތުގެ ބެލުމުގެ ދަށުން ހިލޭ ފަރުޟު ޙައްޖަށް ފޮނުވާ 1000 ފަޤީރުންގެ ތެރެއިން 50 ފަގީރުންނަށެވެ.

Ad by Hajj Corporation

އެހެން އަހަރުކަތަކާ ޚިލާފަށް ގިނަ ބަޔަކަށް ޙައްޖުގެ އަޅުކަން އަދާކުރުމަށް ފުރުސަތު ލިބިގެންދާނެ ކަމަށް އިސްލާމިކް މިނިސްޓްރީން ވަނީ ދާދިފަހުން ހާމަކޮށްފައެވެ.

ފައިސާ ދައްކައި ކިޔުގައި ތިބި ބައެއް ފަރާތްތައް ޙައްޖަށް ދިޔުމުގެ ފުރުސަތު ނުލިބި ދުނިޔެ ދޫކޮށްވެސް އެބަދެއެވެ. މި މައްސަލައަށް އަވަސް ހައްލެއް ގެނައުމުގެ ގޮތުން އެއްފަހަރު ޙައްޖުގެ އަޅުކަން އަދާކޮށްފައިވާ މީހުންނަށް އިތުރު ފުރުސަތު ދޭނީ އަލަށް ޙައްޖަށް ދާ މީހުންނަށް އެ ފުރުސަތު ދިނުމަށްފަހު ކަމަށް ސަރުޚާރުން މިހާރު ވަނީ ހާމަކޮށްފައެވެ.

ސަރުކާރުން މިދިޔަ އަހަރުން ފަށައިގެން ނިންމާފައިވަނީ ހައްޖަށް ގެންދަން ރާއްޖެއަށް ލިބޭ ކޯޓާ ހަމައެކަނި ހައްޖު ކޯޕަރޭޝަނަށް ދޭ ގޮތަށެވެ.