logoEN
ޚަބަރު

ޙައްޖު ކޯޕަރޭޝަން މީގެ ކުރިން ހިންގީ އަހަރަކު 40 މިލިއަން ރުފިޔާގެ ގެއްލުމުގައި - އެމްޑީ ޝަކީލް

އަޙްމަދު ޒަލީފްއަޙްމަދު ޒަލީފް

03 އޮކްޓޯބަރު 2024 - 05:38

މޯލްޑިވްސް ޙައްޖު ކޯޕަރޭޝަން މިހާތަނަށް ހިންގަމުންދިޔައީ އަހަރަކު 40 މިލިޔަން ރުފިޔާގެ ގެއްލުމުގައި ކަމަށް ޙައްޖު ކޯޕަރޭޝަން މެނޭޖިން ޑިރެކްޓަރ މުޙައްމަދު ޝަކީލް ވިދާޅުވެއްޖެއެވެ.ޕީއެސްއެމް ނިއުސްގެ "ރާއްޖެ މިއަދު" ޕްރޮގްރާމްގައި ވާހަކަދައްކަވަމުން މޯލްޑިވްސް ޙައްޖު ކޯޕަރޭޝަންގެ މެނޭޖިން ޑިރެކްޓަރ މުޙައްމަދު ޝަކީލް ވިދާޅުވީ، ފާއިތުވި 11 އަހަރުގެ ތެރޭގައި ޙައްޖުކޯޕަރޭޝަން ހިންގާފައިވަނީ އެ ކޯޕަރޭޝަން އުފެއްދި މަޤްޞަދުގައި ނޫންކަމަށެވެ. އެ އަހަރުތަކުގައި އެ ކޯޕަރޭޝަން އޮތީ ޙައްޖާއި ޢުމްރާއަށް މީހުންގެންދާ ގުރޫޕެއްގެ ގޮތުގައިކަމަށާއި، ކުންފުނި ހިންގާފައިވަނީ ފައިދާވާނެގޮތަކަށް ނޫންކަމަށެވެ.

އެގޮތުން އެ ކޯޕަރޭޝަން ވަރަށްބޮޑަށް ދަރަނިވެރިވެފައިވާކަމަށާއި، އަހަރަކު 30 އާއި 40 މިލިޔަން ރުފިޔާއާ ދެމެދުގައި ގެއްލުމުގައި ހިންގަމުން ގޮސްފައިވާކަމަށް ޝަކީލް ވިދާޅުވިއެވެ.

ޙައްޖު ކޯޕަރޭޝަނަކީ އާމްދަނީ ލިބޭ ކުންފުޏަކަށް ހެދުމަށްޓަކައި އެކުންފުނިންވަނީ ރިއަލްއެސްޓޭޓް ވިޔަފާރިއަށް ވަނުމަށް ނިންމާފައެވެ. އެގޮތުން ހުޅުމާލޭގައި ރެޒިޑެންޝަލް އިމާރާތެއް ތަރައްޤީކުރުމަށް ހަމަޖެހިފައިވާއިރު އެ އިމާރާތުގެ އެޕާޓްމަންޓްތައް ވިއްކާނިމުމުން ކުންފުނީގެ ދަރަނީގެ ބޮޑުބައެއް ދެއްކޭނެކަމަށް ޝަކީލް ވިދާޅުވިއެވެ.ޝަކީލް ވިދާޅުވީ ރިއަލް އެސްޓޭޓް ދާއިރާ ނޫން އެހެން ދާއިރާތަކުންވެސް އިންވެސްޓު ކުރުމަށް މަސައްކަތްކުރަމުންދާކަމަށާއި، ދިގުމުއްދަތަކަށް ކުންފުންޏަށް އާމްދަނީ ލިބޭނެ ގޮތްތައް ބަލަމުންދާކަމަށެވެ.11 އަހަރު ވަންދެން ކުންފުނީގައި އޮތް ދަރަނި އެއްކޮށް ޚަލާސްކުރުމަށް ވަގުތުނަގާނެކަން ޝަކީލް ފާހަގަކުރެއްވިއެވެ. ނަމަވެސް ރައީސުލްޖުމްހޫރިއްޔާ ޑރ.މުޙައްމަދު މުޢިއްޒުގެ ސަރުކާރުގެ މި ދައުރުގެ ތެރޭގައި އެ ދަރަނި ދައްކާ ޚަލާސްކޮށް ކުންފުންޏަކީ ފައިދާގާ ހިންގާނެ ކުންފުންޏަކަށް ހެދުމުގެ މަސައްކަތް ކުރަމުންދާކަމަށް މޯލްޑިވްސް ޙައްޖު ކޯޕަރޭޝަނުގެ މެނޭޖިންގ ޑިރެކްޓަރ މުޙައްމަދު ޝަކީލް ވިދާޅުވިއެވެ.

315x437_placeholder

ކޮމެންޓް

871x217_placeholder