މާލޭގެ ކެފޭއެއްގައި އިންދާ ޚަބަރު ހުސްވެގެން ހޮސްޕިޓަލަށް ގެންދިޔަ މީހާ ނިޔާވެފައިވާކަމަށް ފުލުހުން ހާމަކޮށްފިއެވެ.

ފުލުހުންގެ މަޢުލޫމާތު ދޭގޮތުގައި، މިރޭ މާލޭގެ މާފަންނު ސަރަހައްދުގައި ހުންނަ ކެފޭއެއްގައި އިންދާ ޚަބަރު ހުސްވެގެން އިންދިރާ ގާންދީ މެމޯރިއަލް ހޮސްޕިޓަލް (އައިޖީއެމްއެޗް) އަށް ގެންދެވުނު މީހާ ވަނީ ނިޔާވެފައެވެ.

ނިޔާވި މީހާއަކީ މާލެ، މ. މޫން ޑްރޮޕްސް، އުމުރުން 58 އަހަރުގެ އަހްމަދު ޝަރީފް ކަމަށް ފުލުހުން ބުނެފައިވެއެވެ.

އޭނާ އަށް ފަރުވާދެމުން ދަނިކޮށް ނިޔާވިކަން ހޮސްޕިޓަލުން ފުލުހުން މަޢުލޫމާތު ދީފައިވާކަމަށް ވެސް އެ އިދާރާއިން ވަނީ ބުނެފައެވެ.

މި ހާދިސާއާ ގުޅޭ އިތުރު ތަފްސީލު މިވަގުތު ލިބިފައެއް ނުވެއެވެ.