މޮރޮކޯއާ ރާއްޖެއާ ދެމެދު ޚާރިޖީ ގުޅުން އިތުރަށް ބަދަހުކުރުމަށް މޮރޮކޯ އިން ރާއްޖެއަށް ކަނޑައަޅުއްވާފައިވާ ސަފީރު މުޙައްމަދު މާލިކީ އާއި ޚަރިޖީ ވަޒީރު އަބްދުﷲ ޚަލީލް މަޝްވަރާކުރައްވައިފިއެވެ.

އެ ދެބޭފުޅުން އެފަދައިން މަޝްވަރާކުރައްވާފައިވަނީ، ސާފީރު މާލިކީ، ވަޒީރު ޚަލީލްގެ އަރިހަށް ކުރެއްވި އިޙްތިރާމުގެ ޒިޔާރަތެއްގައެވެ. މިއަދު ކުރެއްވި މި ބައްދަލުވުން ބާއްވައިފައިވަނީ ޚާރިޖީ ވުޒާރާގއެވެ.

Ad by Hajj Corporation

މި ބައްދަލުވުމުގައި ރާއްޖެ އާއި މޮރޮކޯއާ ދެމެދު އޮންނަ ގުޅުން ބަދަހިކުރުމާއި، ދެ ޤައުމަށް ފައިދާހުރި ދާއިރާތަކުގައި އެއްބާރުލުން އިތުރުކުރުމާ ބެހޭގޮތުން ދެ ބޭފުޅުން ވަނީ މަޝްވަރާކުރައްވާފައެވެ.
މި ބައްދަލުވުމުގައި ވަޒީރު ޚާލީލް ވަނީ ، ރާއްޖެއާއި މޮރޮކޯއާ ދެމެދު އޮންނަ ގުޅުމަކީ ވަރަށް ވަރުގަދަ ގުޅުމެއް ކަމަށާއި، މި ގުޅުން އިތުރަށް ހަރުދަނާކުރުމަށް ދެ ޤައުމުން ވެސް މަސައްކަތްކުރާނެ ކަމަށް ވިދާޅުވެފައެެވެ.

މި ބައްދަލުވުމުގައި ދެ ޤައުމުގެ މެދުގައި ވިޔަފާރިއާއި، ފަތުރުވެރިކަމާއި، ތަޢުލީމީ ދާއިރާގައި އެއްބާރުލުން އިތުރުކުރުމާ ބެހޭގޮތުން ވެސް ވަނީ މަޝްވަރާކުރެވިފައެވެ.