އެމްޕީއެލްގެ މެނޭޖިންގް ޑިރެކްޓަރު ކަމުގެ މަގާމުން މުހައްމަދު ވަޖީހު އިބްރާހިމް ވަކިކޮށްފި އެވެ.

ޕްރައިވެޓައިޒޭޝަން އެންޑް ކޯޕޮރަޓައިޒޭޝަން ބޯޑް (ޕީސީބީ) އިން ބުނީ އެމްޕީއެލްގެ ސީއީއޯގެ މަގާމުންނާއި ބޯޑު ޑިރެކްޓަރު ކަމުގެ މަގާމުން ވަޖީހު ވަކިކޮށްފައިވާ ކަމަށެވެ.

Ad by Hajj Corporation

އެމްޕީއެލްގެ ސީއީއޯގެ މަގާމަށް ވަޖީހު އައްޔަން ކުރެއްވީ 2023 ވަނަ އަހަރުގެ ނޮވެމްބަރު 28 ވަނަ ދުވަހު އެވެ.

ވަޖީހު ވަނީ މީގެ ކުރިން ދައުލަތުގެ އެކި މަގަމުތައް ފުރުއްވާފަ އެވެ. ވަޖީހު އެމްޕީއެލްގެ ސީއީއޯގެ މަގާމަށް އައްޔަން ކުރެއްވުމުގެ ކުރިން އޭނާ ވަނީ އެކުންފުނީގައި ނުވަ އަހަރު އެކި މަގާމުތައް ފުރުއްވާފަ އެވެ.އެގޮތުން އެކުންފުނީގެ އެސިސްޓެންޓް ސީއީއޯގެ މަގާމާއި ޖެނެރަލް މެނޭޖަރުގެ މަގާމާއި އެސިސްޓެންޓް ޗެއާމަންގެ މަގާމު އަދާ ކުރެއްވި އެވެ. އަދި މީގެ ކުރިން އެޑިއުކޭޝަން ދާއިރާގައިވެސް އޭނާ މަސައްކަތް ކުރެއްވި އެވެ.

ވަޖީހު އެ މަގާމުން ވަކި ކުރިއިރު، ސަރުކާރުގެ ބައެއް އިސް މަގާމުތަކަށް ވަނީ ބައެއް ބަދަލްތަކެއް ގެންނަވާފަ އެވެ. އެގޮތުން ޓުއަރިޒަމް މިނިސްޓަރު އިބްރާހިމް ފައިސަލް ވަނީ މަގާމުން ވަކިކޮށްފަ އެވެ. އަދި ފަތުރުވެރިކަމާ ބެހޭ ވުޒާރާ އާއިތިމާވެއްޓާ ބެހޭ ވުޒާރާ ވަނީ އެއްކޮށްލައްވާފަ އެވެ.