މާލޭގެ މަގުތަކުގައި ފެންބޮޑުވާ މައްސަލަ ހައްލުކުރުމަށް މާލެ ސިޓީ ކައުންސިލުން މާލޭގެ މަގުތައް މަރާމާތު ކުރުމަށް ކުރަމުންދާ މަސައްކަތާއި ގުޅިގެން މަޖީދީ މަގުގެ ޓްރެފިކް ފްލޯއަށް ވަގުތީ ގޮތުން ބަދަލުތަކެއް ގެންނަން މާލެ ސިޓީ ކައުންސިލުން ނިންމައިފިއެވެ.

ބްލޮކްތަކަށް ބަހާލައިގެން ކުރިޔަށްގެންދާ މި މަސައްކަތުގެ ތެރެއިން މި ހަފްތާ ބުރާސްފަތި ދުވަހުން ފެށިގެން އާދީއްތަ ދުވަހުގެ ނިޔަލަށް ކުރުމަށް ހަމަޖެހިފައިވަނީ ޗާންދަނީމަގާއި ރަށްދެބައިމަގުގެ މަސައްކަތް ކަމަށް މާލެ ސިޓީ ކައުންސިލުން ވަނީ ބުނެފައެވެ. އަދި މި މަސައްކަތް ކުރިޔަށްދާ ވަރަކުން މާލޭގެ މަގުތަކުގެ އެކި ސަރަހައްދު ތަކުގެ ޓްރެފިކް ފްލޯއަށް ބަދަލުތަކެއް އަންނާނެ ކަމަށާއި، މި ގޮތަށް ގެނެވޭ ބަދަލުތައް މާލެ ސިޓީ ކައުންސިލުން ހާމަ ކުރަމުންދާނެ ކަމަށްވެސް ސިޓީ ކައުންސިލުންބުނެ އެވެ. މި ކަމަށް އެއްގަމު އުޅަނދު ދުއްވާ ފަރާތްތަކުން ސަމާލުވުމަށް ވެސް މާލެ ސިޓީ ކައުންސިލުން ވަނީ އެދިފައެވެ.

Ad by Hajj Corporation

މަޖީދީމަގުގެ ޓްރެފިކް ފްލޯއަށް ބަދަލް ތަކެއް ގެންނަން މާލެ ސިޓީ ކައުންސިލުން ނިންމާފައިވީ ނަމަވެސް ގެންނަނީ ކޮން ބަދަލްތަކެއް ކަމެއް ސިޓީ ކައުންސިލުން އަދި ހާމަ އެއް ނުކުރެ އެވެ.

މާލޭގެ މަގުތަކުގައި ފެންބޮޑުވާ މައްސަލައަކީ ރައްޔިތުންނަށް ވަރަށް ބޮޑަށް ދަތިވެފައިވާ މައްސަލައެކެވެ. އަދި މިކަމަށް ދާއިމީ ހައްލެއް ހޯދުމަށް ޓަކައި މާލެ ސިޓީ ކައުންސިލުން ދަނީ ގިނަ މަސައްކަތްތަކެއް ކުރަމުންނެވެ.