ހުޅުމާލެ ދެވަނަ ފިޔަވަހީގައި އިމާރަތްކޮށްފައިވާ ވިނަރެސް ފްލެޓްތަކުގެ ކައިރީގައި އެމްޓީސީސީގެ ދެ ބަހެއް ޖެހި އެކްސިޑެންޓެއް ހިނގައިފިއެވެ.

ފުލުހުން ބުނީ، މިއަދު ހަވީރު އެފަދަ އެކްސިޑެންޓެއް ހިނގައިގެން އުޅޭ ކަމުގެ ރިޕޯޓް އެ އިދާރާއަށް ލިބިފައިވާ ކަމަށެވެ. އެ އެކްސިޑެންޓުގައި މީހަކަށް ގެއްލުން ވެފައި ނުވާ ކަމުގައި ވެސް ފުލުހުން ބުންޏެވެ.

އެ އެކްސިޑެންޓުގެ މަންޒަރުތަކުން ފެންނަ ގޮތުން، ޕާކު ކޮށްފައި އޮތް ޑަބަލް ޑެކާ ބަހުގެ ކައިރިން އަނެއް ބަސް މަސައްކަތްކުރީ އޯވާޓޭކް ކުރާށެވެ. އެކްސިޑެންޓް ހިނގީ އެކަމުގެ ތެރެއިން ކަމުގައި ބެލެވެއެވެ.

ނަމަވެސް، އެ ޙާދިސާ ހިނގަން މެދުވިރިވި ސަބަބު އަދި ސާފުވެފައެއް ނުވެއެވެ.