ދެ ރަށެއްގެ ކައުންސިލާއި 10 ރަށެއްގެ އަންހެނުންގެ ތަރައްގީއަށް މަސައްކަތްކުރާ ކޮމެޓީއެއްގެ ބައި އިލެކްޝަންގެ ވޯޓު ލުން މިއަދު ހެނދުނު ފަށައިފިއެވެ.

މިއަދު ވޯޓުލަނީ ހދ. މަކުނުދޫ ކައުންސިލު މެންބަރާއި، ނ. ލަންދޫ ކައުންސިލުގެ އަންހެން މެންބަރަކު ހޮވުމަށް ބާއްވާ ބައި އިލެކްޝަނާއި، ހދ. ހިރިމަރަދޫ، ނ. މިލަދޫ، ނ. ފޮއްދޫ، ރ. އިންނަމާދޫ، ބ. ގޮއިދޫ، އދ. ހަންޏާމީދޫ، ދ. ހުޅުދެލި، ލ. ގަން، ތ. ބުރުނި އަދި ގއ. ކަނޑުހުޅުދޫ އަންހެނުންގެ ތަރައްގީއަށް މަސައްކަތް ކުރާ ކޮމިޓީގެ ބައި-އިލެކްޝަނެވެ.

Ad by Hajj Corporation

މި ބައި-އިލެކްޝަންތަކުގެ ވޯޓުލުން މިއަދު ހެނދުނު 8:00 ގައި ވަނީ ފަށައިފަ އެވެ. އަދި ވޯޓުލުން މިއަދު ހަވީރު 4:00 އަށް ކުރިއަށް ގެންދާނެ އެވެ.

ރަށްރަށުގައި ވޯޓު ފޮށިތައް ބަހައްޓާފައި ވަނީ އެ ރަށެއްގެ ސްކޫލުގަ އެވެ. އަދި މާލޭގައި ދިރިއުޅޭ ރަށްރަށުގެ ރައްޔިތުން ވޯޓުލުމަށް ހާއްސަކޮށްފައި ވޯޓު ފޮށިތައް ބަހައްޓާފައި ވަނީ މާފަންނު މަދަރުސާގަ އެވެ.

އިންތިހާބުތަކާ ބެހޭ ގާނޫނުތަކަށް ގެނައި އިސްލާހާއެކު އިލެކްޝަންސް ކޮމިޝަނުން ބައި-އިލެކްޝަންތައް މިހާރު ބާއްވަނީ އަހަރަކު ދެ ފަހަރު އެވެ.